ಸಾಮಾಜಿಕ ಜಾಲತಾಣದ ಚಿತ್ರ
ಶಿವಮೊಗ್ಗ,ಸೆ.21:
ಹೊಸನಗರ ತಾಲ್ಲೂಕಿನ ನಗರ ಠಾಣಾ ವ್ಯಾಪ್ತಿಯಲ್ಲಿ ಬೈಸೆ ಗ್ರಾಮದಲ್ಲಿ ಕೋಳಿ ಜೂಜಾಟದಲ್ಲಿ ತೊಡಗಿದ್ದ ಆರೋಪದ ಮೇರೆಗೆ ಮೂವರನ್ನು ಬಂಧಿಸಿರುವ ಘಟನೆ ವರದಿಯಾಗಿದೆ.
ಖಚಿತ ಮಾಹಿತಿ ಮೇರೆಗೆ ಕಾರ್ಯಚರಣೆ ನಡೆಸಿದ ನಗರ ಪೊಲೀಸರು ಆರೋಪಿಗಳನ್ನು ಬಂಧಿಸಿದ್ದಾರೆ.
ಹುಂಜಗಳನ್ನು ಜಗಳಕ್ಕೆ ಬಿಟ್ಟು ಯಾವುದು ಗೆಲ್ಲಲಿದೆ ಎಂಬುದರ ಮೇಲೆ ಹಣ ಕಟ್ಟಿ ಆರೋಪಿಗಳು ಜೂಜಾಡುತ್ತಿದ್ದರು ಎಂದು ಪೊಲೀಸರು ತಿಳಿಸಿದ್ದಾರೆ.
ಈ ಸಂಬಂಧ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.