ಶಿವಮೊಗ್ಗ: ಗೀತಾ ಶಿವರಾಜ್ ಕುಮಾರ್ ಅವರನ್ನು ನಿಮ್ಮ ಮಡಿಲಿಗೆ ಹಾಕಿzವೆ. ದಯಮಾಡಿ ಆಶೀರ್ವಾದ ಮಾಡಿ ಎಂದು ಜಿ ಉಸ್ತುವಾರಿ ಸಚಿವ ಮಧು ಬಂಗಾರಪ್ಪ ಮನವಿ ಮಾಡಿದ್ದಾರೆ.

ನಗರದ ಲಗಾನ್ ಕಲ್ಯಾಣ ಮಂದಿರದಲ್ಲಿ ನೆನ್ನೆ ಆಯೋಜಿಸಿದ್ದ ಶಿವಮೊಗ್ಗ ಲೋಕಸಭ ಕ್ಷೇತ್ರದ ಕಾಂಗ್ರೆಸ್ ಅಭರ್ಥಿ ಗೀತಾ ಶಿವರಾಜ್ ಕುಮಾರ್ ಅವರ ಪ್ರಚಾರ ಸಭೆಯಲ್ಲಿ ಅವರು ಮಾತನಾಡಿದರು.

ನಾವು ಒಬ್ಬ ಬಂಗಾರಪ್ಪ ಅವರನ್ನು ಕಳಕೊಂಡಿರಬಹುದು. ಆದರೆ ಜಿಲ್ಲೆಯಲ್ಲಿ ಲಕ್ಷಾಂತರ ಬಂಗಾರಪ್ಪ ಇzರೆ. ಗೀತ ನನಗೆ ಅಕ್ಕ ಇರಬಹುದು. ಆದರೆ ಚುನಾವಣೆಯಲ್ಲಿ ಗೆದ್ದ ನಂತರ ನಾನು ಮೀಡಿಯೇಟರ್ ಆಗುವುದಿಲ್ಲ. ಬಂಗಾರಪ್ಪ ತರಹ ಗೀತಾ ಶಿವರಾಜಕುಮಾರ್ ನೇರ ಕೆಲಸ ಮಾಡುತ್ತಾರೆ. ಬಂಗಾರಪ್ಪ ಹೋರಾಟದ ಧ್ವನಿಯನ್ನು ಗೀತಾ ಮೂಲಕ ಪಡೆಯಬಹುದು ಎಂದರು.

ಬಂಗಾರಪ್ಪ ಕೊರತೆ ಜಿ, ರಾಜ್ಯದಲ್ಲಿ ಇದೆ. ಬಂಗಾರಪ್ಪ ಧನಿ ಆಗಿ ಗೀತಾ ಇರುತ್ತಾರೆ. ನಿಮ್ಮ ಆಶೀರ್ವಾದ ಬೇಕು ಎಂದು ಮನವಿ ಮಾಡಿದ ಅವರು, ಗೀತಾ ಶಿವರಾಜ್‌ಕುಮಾರ್ ಏನು ಮಾಡಿದ್ದಾರೆ ಎಂದು ಕೇಳುತ್ತಾರೆ. ಹದಿನೈದು ವರ್ಷಗಳ ಹಿಂದೆ ರಾಘವೇಂದ್ರ ಏನು ಕಡಿದು ಬಂದಿದ್ರಿ? ಅಪ್ಪ ಮಾಡಿದ ಭಷ್ಟಾಚಾರ ಹಣದ ಮೂಲಕ ರಾಜಕೀಯ ಪ್ರವೇಶ ಮಾಡಿದರು. ನಮ್ಮಪ್ಪ ಹಡಿಬಿಟ್ಟಿ ದುಡ್ಡು ಮಾಡಿರಲಿಲ್ಲ. ಚೋಟಾ ಸಹಿ ಹಾಕಿ ಜೈಲಿಗೆ ಕಳಿಸಿರಲಿಲ್ಲ ಎಂದು ಕಿಡಿಕಾರಿದರು.

ಸಾಗರ ಶಾಸಕ ಗೋಪಲಾಕೃಷ್ಣ ಬೇಳೂರು ಮಾತನಾಡಿ, ಈ ಬಾರಿ ಪಕ್ಷದಿಂದ ಸಮರ್ಥ ಅಭ್ಯರ್ಥಿ ಕಣಕ್ಕೆ ಇಳಿಸಿzರೆ. ಹೆಚ್ಚು ಲೀಡ್ ಬರಬೇಕು. ಚುನಾವಣೆಯಲ್ಲಿ ವೈಯಕ್ತಿಕ ಗಲಾಟೆ ತರಬೇಡಿ. ಶ್ರಮ ವಹಿಸಿ ಕೆಲಸ ಮಾಡಿ. ಈಗ ನಮ್ಮದೇ ಸರ್ಕಾರ ಇದೆ. ಏನು ಬೇಕಾದರೂ ಕೆಲಸ ಮಾಡುತ್ತಾರೆ. ಗೀತಾ ಅವರು ಬಂಗಾರಪ್ಪ ಪುತ್ರಿ. ಬಂಗಾರಪ್ಪ ಅವರ ಕೊಡುಗೆ ಮರೆಯಲು ಆಗುವುದಿಲ್ಲ ಎಂದರು.
ಜಿಯಲ್ಲಿ ರಾಜಕೀಯ ಬದಲಾವಣೆ ಆಗಲಿದೆ ಎಂದು ಆಯನೂರು ಮಂಜುನಾಥ್ ಹೇಳಿದರು.

ಪ್ರಮುಖರಾದ ಹೆಚ್.ಎಸ್.ಸುಂದರೇಶ್, ಹೆಚ್.ಸಿ. ಯೋಗೀಶ್, ನಗರದ ಮಹದೇವಪ್ಪ, ಕಿಮ್ಮನೆ ರತ್ನಾಕರ, ವೈ ಹೆಚ್.ನಾಗರಾಜ, ಅನಿತಾ ಕುಮಾರಿ, ಇಸ್ಮಾಯಿಲ್ ಖಾನ್, ಎಂ.ಶ್ರೀಕಾಂತ್, ಕಲಗೋಡು ರತ್ನಾಕರ್, ರವಿಕುಮಾರ್, ನಾಗರಾಜ ಗೌಡ, ಶ್ರೀನಿವಾಸ ಕರಿಯಣ್ಣ ಇನ್ನಿತರರು ಇದ್ದರು.