ಶಿವಮೊಗ್ಗ, ಫೆ.05:
ಬಸ್ ಚಾಲಕ ಮೊಬೈಲ್ ಬಳಸ್ತಾನಾ? ಒಂದ್ ವೀಡಿಯೊ ಮಾಡಿ. ಪೊಲೀಸರಿಗೆ ಕಳಿಸಿ. ಸಖತ್ ದಂಡ ಬೀಳ್ತದೆ. ಇಲ್ಲಿನ ಸಿಟಿಬಸ್ ಶಿವ ಚಾಲಕನಿಗೆ ಬರೋಬ್ಬರಿ ದಂಡ ಹಾಕಿ ಸಂಚಾರಿ ಠಾಣೆ ಪಿಎಸ್ಐ ತಿರುಮಲೇಶ್ ಹಾಗೂ ಅವರ ತಂಡ ವಸೂಲಿ ಮಾಡಿದೆ.

ವಿವರ;
ಶಿವಮೊಗ್ಗದಲ್ಲಿ ಮದ್ಯಾಹ್ನ 1 ಗಂಟೆ 5 ರಿಂದ 10 ನಿಮಿಷದವರೆಗೆ ಕೆಎ 20 ಬಿ 5822 ರೂಟ್ ನಂ 7 . ಶಿವ ಬಸ್ . ರಾಗಿಗುಡ್ಡ ಬಸ್ ಚಾಲಕ ಗೋಪಾಳ ಮುಖ್ಯ ನಿಲ್ದಾಣದಿಂದ ಅಣ್ಣಾನಗರ ಚಾನಲ್ ವರೆಗೆ ಮೊಬೈಲಿನಲ್ಲಿ ಮಾತನಾಡುತ್ತಾ ಚಾಲನೆ ಮಾಡುವಾಗ ಸಾರ್ವಜನಿಕರೊಬ್ಬರು ಭಾವಚಿತ್ರವನ್ನು ತೆಗೆದುಕೊಂಡು, ತಿರುಮಲೇಶ್ ಪಿ.ಎಸ್.ಐ.ರವರಿಗೆ ಈ ದಿನ ಕಳುಹಿಸಿದ್ದರು.
ಪಿ.ಎಸ್.ಐ ತಿರುಮಲೇಶ್ ಅವರು ಪಶ್ಚಿಮ ಸಂಚಾರ ಠಾಣೆಯ ಸಿಬ್ಬಂದಿಯವರಾದ ಸಂದೀಪ್ ಹೆಚ್.ಸಿ. ಮತ್ತು ಪ್ರಕಾಶ್ ಪಿಸಿ ರವರನ್ನು ವಾಹನ ಮತ್ತು ಚಾಲಕನನ್ನು ಠಾಣೆಗೆ ಕರೆದುಕೊಂಡು ಬರಲು ಕರ್ತವ್ಯಕ್ಕೆ ನೇಮಕ ಮಾಡಿದ್ದು, ಅವರನ್ನು ಠಾಣೆಗೆ ಈ ದಿನ ಕರೆದುಕೊಂಡು ಬಂದಿದ್ದು, ಮೊಬೈಲ್ ನಲ್ಲಿ ಮಾತನಾಡುತ್ತಾ ಚಾಲನೆ ಮಾಡಿದ ಬಸ್ ಚಾಲಕರವರಿಗೆ ತಿರುಮಲೇಶ್ ರವರು 5,000/- ದಂಡವನ್ನು ವಿಧಿಸಿರುತ್ತಾರೆ.