ಸಾಗರ : ಇಲ್ಲಿನ ಶ್ರೀಮತಿ ಇಂದಿರಾಗಾಂಧಿ ಸರ್ಕಾರಿ ಪ್ರಥಮ ದರ್ಜೆ ಮಹಿಳಾ ಕಾಲೇಜಿನಲ್ಲಿ ಜು. ೨೪ರಂದು ಬೆಳಿಗ್ಗೆ ೧೦ಕ್ಕೆ ರಂಗಮಂಚ ಕಾಗೋಡು, ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಆಶ್ರಯದಲ್ಲಿ ಜಾನಪದ ಸಂಭ್ರಮ-೨೦೨೩ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ.

ಶಾಸಕ ಗೋಪಾಲಕೃಷ್ಣ ಬೇಳೂರು ಕಾರ್ಯಕ್ರಮ ಉದ್ಘಾಟಿಸಲಿದ್ದು, ಮಾಜಿ ಸಚಿವ ಕಾಗೋಡು ತಿಮ್ಮಪ್ಪ ಅಧ್ಯಕ್ಷತೆ ವಹಿಸಲಿದ್ದಾರೆ. ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಜಂಟಿ ನಿರ್ದೇಶಕ ಅಶೋಕ್ ಚಲವಾದಿ, ಪ್ರೊ. ಎಂ.ಎನ್.ವೆಂಕಟೇಶ್, ಬಿ.ಟಾಕಪ್ಪ, ಎಚ್.ಉಮೇಶ್, ಟಿ.ವಿ.ಪಾಂಡುರಂಗ, ಡಾ. ರಾಜೇಶ್ವರಿ ಉಪಸ್ಥಿತರಿರುವರು.

ನಂತರ ಅಮೃತ ಮತ್ತು ತಂಡದಿಂದ ಸ್ವಾಗತ ನೃತ್ಯ, ಚಿಕ್ಕಮಗಳೂರಿನ ಯಥೀಶ್ ಮತ್ತು ತಂಡದಿಂದ ವೀರಗಾಸೆ, ಭಾರತಿ ಮತ್ತು ತಂಡದವರಿಂದ ಡೊಳ್ಳು ಕುಣಿತ, ತಿಪಟೂರಿನ ದೀಪಕ್

ಮತ್ತು ತಂಡದಿಂದ ವೀರಭದ್ರ ಕುಣಿತ, ಗರ್ತಿಕೆರೆ ಶಾಂಭವಿ ಮತ್ತು ತಂಡದಿಂದ ಜಾನಪದ ನೃತ್ಯ, ಮಂಡ್ಯದ ಜಗದೀಶ್ ಮತ್ತು ತಂಡದಿಂದ ಪೂಜಾ ಕುಣಿತ, ಪುಷ್ಪಲತಾ ಮತ್ತು ತಂಡದಿಂದ

ಲಂಬಾಣಿ ನೃತ್ಯ, ಮೈಸೂರಿನ ಕೆ.ಬಿ. ಮಾದೇಗೌಡ ಮತ್ತು ತಂಡದಿಂದ ಸೋಮನ ಕುಣಿತ ಪ್ರದರ್ಶನಗೊಳ್ಳಲಿದೆ. ಆಸಕ್ತರು ಪಾಲ್ಗೊಳ್ಳುವಂತೆ ಪ್ರಕಟಣೆಯಲ್ಲಿ ಕೋರಲಾಗಿದೆ.