Tungataranga April 08_2022 | shimoga news
ಶಿವಮೊಗ್ಗದ ಡಿವೈಎಸ್ಪಿ ಪ್ರಶಾಂತ್ ಮುನ್ನೋಳಿ ಅವರ ವರ್ಗಾವಣೆ ಆಗಿದ್ದು ಅವರ ಸ್ಥಾನಕ್ಕೆ ಬೆಂಗಳೂರಿನ ಸಿಐಡಿ ಬ್ರಾಂಚ್ ನಲ್ಲಿ ಡಿವೈಎಸ್ಪಿ ಆಗಿರುವ ಬಾಲರಾಜ್ ಅವರನ್ನು ವರ್ಗಾವಣೆ ಮಾಡಿ ಸರ್ಕಾರ ಆದೇಶ ಹೊರಡಿಸಿದೆ.
ಪ್ರಶಾಂತ್ ಮುನ್ನೋಳಿ ಅವರು ಚಿತ್ರದುರ್ಗದ ಡಿಸಿಆರ್ ಬಿ ಗೆ ವರ್ಗಾವಣೆಗೊಂಡಿದ್ದಾರೆ .

ಪ್ರಸಕ್ತ ಶಿವಮೊಗ್ಗ ಡಿವೈಎಸ್ಪಿ ಆಗಿ ಬರುತ್ತಿರುವ ಬಾಲರಾಜ್ ಅವರು ಈ ಹಿಂದೆ ಶಿವಮೊಗ್ಗದಲ್ಲಿ ಸಬ್ ಇನ್ ಸ್ಪೆಕ್ಟರ್ ಆಗಿ ಕೆಲಸ ಮಾಡಿದ ಅನುಭವವಿದೆ. ಹಾಗೆಯೇ, ಶಿವಮೊಗ್ಗ ಜಿಲ್ಲೆಯ ವ್ಯವಸ್ಥೆಗಳನ್ನು ಈ ಮೊದಲೇ ತಿಳಿದುಕೊಂಡಿದ್ದಾರೆ.

2004ರಿಂದ 6 ರವರೆಗೆ ಮೂರು ವರುಷ ತೀರ್ಥಹಳ್ಳಿಯ ಇನ್‌ ಸ್ಪೆಕ್ಟರ್ ಆಗಿದ್ದ ಬಾಲರಾಜ್ಅವರು ಅಂದಿನ ಸಿಪಿಐ ಶಿವಕುಮಾರ್ ಅವರ ಜೊತೆಗಿನ ತಂಡದಲ್ಲಿ 2005 ರ ವೇಳೆಗೆ ಶಿವಮೊಗ್ಗ ಹೊಳೆಬೆನವಳ್ಳಿಯಲ್ಲಿ ರೌಡಿ ಶೀಟರ್ ತಮಿಳು ಕುಮಾರನನ್ನ ಎನ್ ಕೌಂಟರ್ ಮಾಡಿದ್ದರು.
ಈಗ ಬಾಲರಾಜ್ ಅವರು ಶಿವಮೊಗ್ಗದ ಡಿವೈಎಸ್ಪಿ ಆಗಿ ಬರುತ್ತಿರುವುದು ಇಲಾಖೆಯಲ್ಲಿ ಹೊಸ ಶಕ್ತಿ ತಂದಂತಾಗಿದೆ ಎನ್ನಬಹುದು.
ಶಿವಮೊಗ್ಗ ಪರಿಸ್ಥಿತಿ ಹಿಜಾಬ್, ಹರ್ಷ ಕೊಲೆ ವಿಚಾರದಲ್ಲಿ ಪ್ರಕ್ಷುಬ್ದವಾಗಿದೆ. ಬಾಲರಾಜ್ ಆಗಮನ ಇದಕ್ಕೆ ಬ್ರೇಕ್ ಕಾಣುವ ನಿರೀಕ್ಷೆಯಿದೆ.