ವಿಷು ಹಬ್ಬದ ಪ್ರಯುಕ್ತ ಹೊಸೂಡಿ ಫಾರಂ ಗ್ರಾಮದ ಶ್ರೀ ಅಯ್ಯಪ್ಪ ಸ್ವಾಮಿ ದೇವಸ್ಥಾನದ ೧೮ನೇ ವಾರ್ಷಿಕೋತ್ಸವವನ್ನು ವಿಜೃಂಭಣೆಯಿಂದ ನೆರವೇರಿಸಲಾಯಿತು.

ಶ್ರೀ ಶ್ರೀ ರೋಜಾ ಷಣ್ಮುಗಂ ಗುರೂಜಿ ಯವರ ಸುಪುತ್ರರಾದ ಶ್ರೀ ಶಬರೀಶ್ ಗುರುಸ್ವಾಮಿ, ಹೊಸೂ ಡಿಫಾರಂ ಗ್ರಾಮಸ್ಥರು ಹಾಗೂ ಮಹಿಳೆಯರು ಕಳಶ ಹೊತ್ತು ಮೆರವಣಿಗೆಯಲ್ಲಿ ಹೊಸೂಡಿ ಫಾರ್ಮ್ ಗೆ ತಲುಪಿ ಸ್ವಾಮಿ ಅಯ್ಯಪ್ಪನ ಪೂಜೆಯಲ್ಲಿ ಭಾಗವಹಿಸಿದರು.

ನಡೆದಾಡುವ ಅಯ್ಯಪ್ಪ ಶ್ರೀ ಶ್ರೀ ರೋಜಾ ಗುರೂಜಿಯವರ ಸನ್ನಿಧಿಗೆ ಧರ್ಮಲಿಂಗಮ್ ರವರಿಂದ ಹಾಲಿನ ಅಭಿಷೇಕ ನೆರವೇರಿಸಲಾಯಿತು. ಶ್ರೀ ಶಬರೀಶ ಭಕ್ತ ಮಂಡಳಿಯ ಆರ್ಮುಗಂ, ರಂಗಸ್ವಾಮಿ, ಮುರುಗನ್ ಹಾಗೂ ಹೊಸೂಡಿಫಾರಂ ಗ್ರಾಮಸ್ಥರಾದ ಸಂಜು, ವಿವೇಕ್, ಗುರು, ಮಂಜುನಾಥ್, ರಾಜ, ಮುರಳಿ ಅವರ ವತಿಯಿಂದ ವಿಶೇಷ ಪೂಜೆ ಸಲ್ಲಿಸಲಾಯಿತು.

ವಿಷು ಹಬ್ಬದ ಈ ವಿಶೇಷ ಸಂದರ್ಭದಲ್ಲಿ ಶ್ರೀ ಅಯ್ಯಪ್ಪ ಸ್ವಾಮಿಗೆ ಶ್ರೀ ಶಬರೀಶ್ ಗುರುಸ್ವಾಮಿ ಯವರು ವಿಶೇಷವಾಗಿ ಹಾಲಿನ ಅಭಿಷೇಕ ಮಾಡಿದರು. ಶ್ರೀ ಅಯ್ಯಪ್ಪ ಸ್ವಾಮಿಗೆ ವಿಶೇಷ ಅಲಂಕಾರ ಹಾಗೂ ಪೂಜೆ ಸಲ್ಲಿಸಲಾಯಿತು.

ಭಕ್ತಾದಿಗಳಿಗೆ ಪ್ರಸಾದ ವಿನಿಯೋಗದಲ್ಲಿ ಶ್ರೀ ರೋಜಾ ಗುರೂಜಿ ಶಿಷ್ಯ ವೃಂದದಿಂದ ಶರತ್, ಬಾಬು, ಚಂದ್ರಶೇಖರ್, ನೇತ್ರಾವತಿ, ಮುರುಗೇಶ್ ಪಾಲ್ಗೊಂಡಿದ್ದರು.