ಶಿವಮೊಗ್ಗ: ಜಿಲ್ಲೆಯ ಏಳು ವಿಧಾನಸಭಾ ಕ್ಷೇತ್ರಗಳಲ್ಲಿ ಚುನಾವಣೆಗೆ ಮತದಾನ ನಡೆಯಿತು ಬೆಳಗ್ಗೆ ೭ ಗಂಟೆಯಿಂದ ಮತದಾನ ಆರಂಭವಾಯಿತು. ಪ್ರಜಾಪ್ರಭುತ್ವ ಈ ಹಬ್ಬದಲ್ಲಿ ಸಾವಿರಾರು ಯುವಕ – ಯುವತಿಯರು ಮೊದಲ ಬಾರಿಗೆ ಉತ್ಸಾಹದಿಂದ ವೋಟ್ ಮಾಡಿ ಎಲ್ಲರೂ ತಪ್ಪದೇ ವೋಟ್ ಮಾಡುವಂತೆ ಮನವಿ ಮಾಡಿದರು.

ಶಿವಮೊಗ್ಗ ಜಿಲ್ಲೆಯಲ್ಲಿ ಮತದಾನ ಪ್ರಕ್ರಿಯೆ ಭರದಿಂದ ಸಾಗಿದೆ. ಯುವಕ – ಯುವತಿಯರು ಮೊದಲ ಬಾರಿಗೆ ಉತ್ಸಾಹದಿಂದ ವೋಟ್ ಮಾಡಿ ಗಮನ ಸೆಳೆದಿದ್ದು, ಅಬ್ಬಲಗೆರೆಯ ಅಂಕಿತ, ಶ್ರೀ ಲಕ್ಷ್ಮೀ, ಸಾಲೂರಿನ ಅಮೃತ, ವಿನೋಬಗರದ ದರ್ಶನ್ ಜಿ. ಸ್ವಾಮಿ, ಆನಂದಪುರಂನ ಯುವಕ ಸೇರಿದಂತೆ ಸಾವಿರ ಯುವ ಕಣ್ಮಣಿಗಳು ಮೊದಲ ಬಾರಿಗೆ ಮತದಾನ ಮಾಡಿ ಖುಷಿ ಹಂಚಿಕೊಂಡರು.

ಮತದಾನ ಮಾಡುವುದು ಹೇಗೆ ಎಂದು ಗೊತ್ತಿರಲಿಲ್ಲ. ನಮ್ಮ ಪೋಷಕರು ಮನೆಯಲ್ಲಿ ವೋಟಿಂಗ್ ಮಾಡುವ ಬಗ್ಗೆ ಸ್ವಲ್ಪ ಹೇಳಿದ್ದರು. ಆದರೂ, ವೋಟ್ ಮಾಡುವ ಪ್ರಕ್ರಿಯೆ ಹೇಗಿರುತ್ತದೆ ಅನ್ನೋದರ ಬಗ್ಗೆ ಅಷ್ಟು ಗೊತ್ತಿರಲಿಲ್ಲ. ಈಗ ವೋಟ್ ಮಾಡಿದೆ. ಖುಷಿ ಆಯಿತು’ ಎಂದು ಮೊದಲ ಮತದಾನ ತಮ್ಮ ಅನುಭವ ಹಂಚಿಕೊಂಡರು.