ಶಿವಮೊಗ್ಗ,ಏ.26:
ಶಿವಮೊಗ್ಗಕ್ಕೆ ಹಿರಿಯ ಐಎಎಸ್ ಅಧಿಕಾರಿ, ನಿವೃತ್ತ ಜಿಲ್ಲಾ ರಕ್ಷಣಾಧಿಕಾರಿ ಹಾಗೂ ಪ್ರಸ್ತುತ ತಮಿಳುನಾಡು ಬಿಜೆಪಿ ರಾಜ್ಯಾಧ್ಯಕ್ಷರಾದ ಅಣ್ಣಾಮಲೈ ಅವರು ನಾಳೆ ಬೆಳಗ್ಗೆ 10:30ಕ್ಕೆ ಶಿವಮೊಗ್ಗ ಎನ್ಎಸ್ ಆವಣದಲ್ಲಿ ನಡೆದಿರುವ ಬಿಜೆಪಿಯ ಬಾರೀ ಬಹಿರಂಗದ ಸಮಾಜಗಳ ಸಭೆಗೆ ಆಗಮಿಸಿದ್ದಾರೆ.

ಪ್ರಸಕ್ತ ಚುನಾವಣೆಯಲ್ಲಿ ತಮಿಳು ಬಾಂಧವರ ಮನ ಮುಟ್ಟುವ ರೀತಿ ತಮಿಳು ಸಮಾಜದ ಅಭಿವೃದ್ಧಿಗೆ ಕಾರಣಕರ್ತರಾದ ಬಿಜೆಪಿ ಸರ್ಕಾರದ ಸಾಧನೆಗಳ ಬಗ್ಗೆ ತಿಳಿ ಹೇಳಲು ಸಮಾವೇಶಕ್ಕೆ ಸಮಸ್ತ ಬಿಜೆಪಿ ಬಾಂಧವರು ವಿಶೇಷವಾಗಿ ತಮಿಳು ಸಮಾಜದ ನಮ್ಮೆಲ್ಲಾ ಆತ್ಮೀಯರು ಆಗಮಿಸುವಂತೆ ತಮಿಳು ಸಮಾಜದ ಮುಖಂಡ ಹಾಗೂ ಬಿಜೆಪಿ ಹಿಂದುಳಿದ ಮೋರ್ಚಾದ ಉಪಾಧ್ಯಕ್ಷ ಎಸ್. ಮಂಜುನಾಥ್ (ಬಕೆಟ್) ವಿನಂತಿಸಿದ್ದಾರೆ.

ಪ್ರಸಕ್ತ ಕಾರ್ಯಕ್ರಮದಲ್ಲಿ ಅಣ್ಣಾಮಲೈ ಅವರ ಜೊತೆಗೆ ಮುಖ್ಯಮಂತ್ರಿ ಮಾಜಿ ಮುಖ್ಯಮಂತ್ರಿ ಬಿಎಸ್ ಯಡಿಯೂರಪ್ಪ,ಶಾಸಕ ಹಾಗೂ ಮಾಜಿ ಉಪಮುಖ್ಯಮಂತ್ರಿ ಕೆ ಎಸ್. ಈಶ್ವರಪ್ಪ, ಸಂಸದ ಬಿ ವೈ ರಾಘವೇಂದ್ರ, ವಿಧಾನ ಪರಿಷತ್ ಶಾಸಕರಾದ ಎಸ್.ರುದ್ರೇಗೌಡ, ಡಿಎಸ್ ಅರುಣ್, ವಿಶೇಷವಾಗಿ ಶಿವಮೊಗ್ಗ ನಗರ ವಿಧಾನಸಭಾ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ಎಸ್ ಎನ್ ಚನ್ನಬಸಪ್ಪ (ಚೆನ್ನಿ) ಹಾಗು ಇತರರು ಉಪಸ್ಥಿತರಿರುವರು.

ತಮಿಳು ಸಮಾಜದ ಪ್ರಮುಖರು ಹಾಗೂ ಸಮಾಜದ ಸರ್ವರೂ ಕಾರ್ಯಕ್ರಮಕ್ಕೆ ಆಗಮಿಸಿ ಕಾರ್ಯಕ್ರಮವನ್ನು ಯಶಸ್ವಿಗೊಳಿಸಲು ಅಣ್ಣಾಮಲೈ ಅವರ ಹಿತವಚನ ಕೇಳಲು ಆಗಮಿಸುವಂತೆ ಎಸ್. ಮಂಜುನಾಥ್ ಕೋರಿದ್ದಾರೆ.
ಸಂಜೆ 5:00ಗೆ ಗಾಯತ್ರಿ ಮಾಂಗಲ್ಯ ಮಂದಿರದಲ್ಲಿ ಯುವ ಬಿಜೆಪಿ ಕಾರ್ಯಕರ್ತರ ಜೊತೆ ಅಣ್ಣಾಮಲೈಯವರು ಸಂವಾದ ನಡೆಸಲಿದ್ದು, ನಂತರ 6:30ಕ್ಕೆ ವಿಶೇಷವಾಗಿ ಶಿವಮೊಗ್ಗ ನಗರದ ಪ್ರಬುದ್ಧರ ಸಭೆ ನಡೆಯಲಿದೆ. ಈ ಎಲ್ಲಾ ಕಾರ್ಯಕ್ರಮಗಳಿಗೆ ಸರ್ವರೂ ಆಗಮಿಸುವಂತೆ ಮಂಜುನಾಥ್ ಕೋರಿದ್ದಾರೆ.