ಬೈಕ್ ನಲ್ಲಿ ವ್ಹೀಲಿಂಗ್ ಸರ್ಕಸ್, ಸಂಚಾರಿ ಪೊಲೀಸರಿಂದ ಕ್ಲಾಸ್/ ಶಿವಮೊಗ್ಗದ ಯುವಕನ ಬಂಧನ- ಆತನ ವ್ಹೀಲಿಂಗ್ ವೀಡಿಯೋ ಇದೆ ನೋಡಿ/ ಯುವಪೀಳಿಗೆಗೆ ಇದು ಬೇಕಿತ್ತಾ?

ಶಿವಮೊಗ್ಗ,ಏ.25:
ಶೋಕಿಗೆ, ತಾವೇ ಅಂದುಕೊಂಡಂತೆ ಸಾಧನೆ ಮಾಡಲು ಹಾಗೂ ಬೇರೆಯವರ ಎದುರಿಗೆ ಗ್ರೇಟ್ ಅನಿಸಿಕೊಳ್ಳಲು ನಾನಾ ಸರ್ಕಸ್ ಮಾಡುತ್ತಾ ಬದುಕನ್ನೇ ಕಳೆದುಕೊಂಡ ಅದೆಷ್ಟೋ ಯುವಕರನ್ನು ನೋಡಿದ್ದೇವೆ. ಇಂತಹ ಕೆಲಸ ಮಾಡುವ ಅದೆಷ್ಟೊ ಜನ ಪೊಲೀಸರ ಅತಿಥಿಯಾಗಿದ್ದಾರೆ. ಆದರೂ ಜನಕ್ಕೆ ಬುದ್ಧಿ ಬಂದಿಲ್ಲ. ಅದರಲ್ಲೂ ಇಂದಿನ ಯುವಪೀಳಿಗೆ ನಿಜಕ್ಕೂ ಗಾಬರಿ ಹುಟ್ಟಿಸುವಂತಹ ಕೆಲಸ ಮಾಡುತ್ತಿರುವುದು ದುರಂತವೇ ಹೌದು.

ಇಂತಹದೊಂದು ಪೀಠಿಕೆ ಹಾಕಲು ಕಾರಣ ಶಿವಮೊಗ್ಗ ನಗರ ಸೇರಿದಂತೆ ಹಲವೆಡೆ ಬೈಕ್ಗಳಲ್ಲಿ ವ್ಹೀಲಿಂಗ್ ಮಾಡುತ್ತಾ ತಾವು ಹೋಗುವ ಜೊತೆಗೆ ಪಕ್ಕದವರನ್ನು ಎದುರಿಸುತ್ತಾ ನಾನಾ ಅವಘಡಗಳಿಗೆ ಅಪಘಾತಗಳಿಗೆ ಕಾರಣವಾಗುತ್ತಿರುವ ಘಟನೆಗಳು ಹೆಚ್ಚುತ್ತಿವೆ.

ಶಿವಮೊಗ್ಗ ನಗರದ ಹಲವು ಪ್ರಮುಖ ಬೀದಿಗಳಲ್ಲಿ ಕಳೆದ ನಾಲ್ಕೈದು ದಿನಗಳಿಂದ ವ್ಹೀಲಿಂಗ್ ಮಾಡುತ್ತಾ ಗಾಬರಿ ಹುಟ್ಟಿಸಿದ್ದ ಯುವಕನೂರ್ವನನ್ನು ಶಿವಮೊಗ್ಗ ಸಂಚಾರಿ ಪೊಲೀಸರು ಬಂಧಿಸಿದ್ದಾರೆ.

ವಿಶೇಷವೆಂದರೆ ಆತ ವೀಲಿಂಗ್ ಮಾಡುವ ಚಿತ್ರಣ ಸಹ ಹಾಗೂ ವಿಡಿಯೋ ಮಾಧ್ಯಮಗಳಿಗೆ ಸೇರಿದಂತೆ ಹಲವು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
ಆತನನ್ನು ಬಂಧಿಸಿರುವ ಪೊಲೀಸರು ದೂರು ದಾಖಲಿಸಿ ಕೊನೆಯ ಹಂತದ ಎಚ್ಚರಿಕೆಯನ್ನು ಸಹ ನೀಡಿದ್ದಾರೆ. ದುರಂತವೆಂದರೆ ಈ ಯುವಕ ತಾನೊಬ್ಬನೇ ಈ ಸಾಹಸ ಎಂಬ ನಾಟಕದಲ್ಲಿ ಭಾಗಿಯಾಗದೆ ಮತ್ತೋರ್ವನನ್ನು ಹಿಂದೆ ಕೂಡಿಸಿಕೊಂಡಿರುತ್ತಾನೆ. ಕನಿಷ್ಟ ಹೆಲ್ಮೆಟ್ ಸಹ ಹಾಕಿಲ್ಲ.

ಶಿವಮೊಗ್ಗ ನಗರದಲ್ಲಿ ವಿವಿದ ರಸ್ತೆಯಲ್ಲಿ ಬೈಕ್ ವಾಹನದಲ್ಲಿ ವ್ಹೀಲಿಂಗ್ ಮಾಡುತ್ತಿದ್ದ ಜೂಲ್ಪ್ ಎಂಬ ಬೈಕ್ ಸವಾರನನ್ನು ಎಎಸ್ ಐ ರಾಜಕುಮಾರ್ ಮತ್ತು ಸಿಬ್ಬಂದಿಯವರು ಪತ್ತೆ ಮಾಡಿ ಬಂಧಿಸಿದ್ದಾರೆ.
ಚಿತ್ರ ವೀಡಿಯೋ – ನಾಗರಾಜ್ ಶಣೈ