ಶಿವಮೊಗ್ಗ, ಆ.17:
ಶಿವಮೊಗ್ಗ ಜಿಲ್ಲೆಯಲ್ಲಿ ಇಂದು ಕೊರೊನಾ ಎಂಬ ಕಿರಿಕ್ ನಲ್ಲಿ 236 ಪಾಸಿಟಿವ್ ಪ್ರಕರಣ ಕಾಣಿಸಿಕೊಂಡಿದೆ. ಇದರಿಂದ ಜಲ್ಲೆಯ ಒಟ್ಟು ಸೋಂಕಿತರ ಸಂಖ್ಯೆ 4543 ಎಂದು ಜಿಲ್ಲಾ ಹೆಲ್ತ್ ಬುಲಿಟಿನ್ ಪ್ರಕಟಿಸಿದೆ.
ಇಂದು ಸಹ ಸೋಂಕಿನಿಂದ 4 ಜನ ಸಾವುಕಂಡಿದ್ದು, ಇದರಿಂದ ಜಿಲ್ಲೆಯಲ್ಲಿ ಒಟ್ಟು ಸಾವಿನ ಸಂಖ್ಯೆ 77 ಕ್ಕೇರಿದೆ. ಜಿಲ್ಲೆಯಲ್ಲಿ ಇದುವರೆಗೂ 42246 ಜನರಿಗೆ ಕೊರೋನ ಪರೀಕ್ಷೆಗೆ ಒಳಪಡಿಸಲಾಗಿದ್ದು, 34052 ಜನರಿಗೆ ನೆಗೆಟಿವ್ ಎಂದು ವರದಿ ಬಂದಿದೆ. 4543 ಜನರಿಗೆ ಕೊರೋನ ಪಾಸಿಟಿವ್ ಎಂದು ವರದಿ ಪ್ರಕಟವಾಗಿದೆ.

ಶಿವಮೊಗ್ಗದಲ್ಲಿ ಮತ್ತೆ ನೂರರ ಸನಿಹದಲ್ಲಿರುವ ಕೊರೊನಾ ಇಂದು 96ರ ಗಡಿಯಲ್ಲಿದೆ. ಉಳಿದಂತೆ ಶಿಕಾರಿಪುರ 69, ಭದ್ರಾವತಿ 39, ತೀರ್ಥಹಳ್ಳಿ ತಾಲ್ಲೂಕಿನಲ್ಲಿ 10, ಸಾಗರದಲ್ಲಿ 08, ಹೊಸನಗರ 04, ಸೊರಬ 02 ಹಾಗೂ ಹೊರ ಜಿಲ್ಲೆಗಳಿಂದ 08 ಪ್ರಕರಣ ಪತ್ತೆಯಾಗಿವೆ.
ಇಂದು 211 ಜನ ಸೋಂಕಿನಿಂದ ಗುಣಮುಖರಾಗಿ ಮೆಗ್ಗಾನ್ ಮತ್ತು ಕೋವಿಡ್ ಕೇರ್ ಸೆಂಟರ್ ನಿಂದ ಬಿಡುಗಡೆಗೊಂಡಿದ್ದಾರೆ.
ಆದರೆ, ರಾಜ್ಯ ಬುಲೆಟಿನ್ ನಲ್ಲಿ ಇಂದು ಜಿಲ್ಲೆಯಲ್ಲಿ ಕೊರಾನ ಸೋಂಕಿತರ ಸಂಖ್ಯೆ 397 ಇದೆ.
ಭಗವಂತನೇ, ಈ ಮಾಹಿತಿ ಹುಡುಕಬೇಕಿದೆ. ಯಾವುದು ಸತ್ಯ. ಯಾವುದು ಸುಳ್ಳು. ಚಿಕಿತ್ಸೆ ಲೆಕ್ಕದ ವ್ಯವಹಾರ ನೋಡಬೇಕಿದೆ.