ಶಿವಮೊಗ್ಗ: ನಗರದ ಟ್ಯಾಂಕ್ ಮೊಹಲ್ಲಾದಲ್ಲಿ ಬೈಕ್ ಪಕ್ಕ ಬೈಕ್ ನಿಲ್ಲಿಸಿ ಸ್ಕ್ರಾಚ್ ಮಾಡಿದ್ದರಿಂದ ಕುಪಿತಗೊಂಡ ಯುವಕ ವೃದ್ದನ ಮೇಲೆ ಹಲ್ಲೆ ನಡೆಸಿರುವ ಘಟನೆ ವರದಿಯಾಗಿದೆ.
ಟ್ಯಾಂಕ್ ಮೊಹಲ್ಲಾದ ಸಯ್ಯದ್ ಬಶೀರ್ (65) ಎಂಬುವರು ಹಲ್ಲೆಗೆ ಒಳಗಾದವರು. ಪ್ರಶಾಂತ್ ಹಲ್ಲೆ ಮಾಡಿದವನು.
ಘಟನೆ ಹಿನ್ನೆಲೆ:
ಟ್ಯಾಂಕ್ ಮೊಹಲ್ಲಾ 6ನೇ ಕ್ರಾಸ್‌ನಲ್ಲಿ ಸಯ್ಯದ್ ಬಶೀರ್ ಅವರು ಪ್ರಶಾಂತ್ ಅವರ ಬೈಕ್ ಪಕ್ಕದಲ್ಲಿ ತಮ್ಮ ಬೈಕ್ ನಿಲ್ಲಿಸಿದ್ದರು. ಈ ವೇಳೆ ಪ್ರಶಾಂತನ ಬೈಕ್ ಗೆ ಸ್ಕ್ರಾಚ್ ಆಗಿದೆ. ಇದರಿಂದ ಕುಪಿತಗೊಂಡ ಪ್ರಶಾಂತ್, ಸಯ್ಯದ್ ಬಷೀರ್ ಅವರನ್ನು ಅವಾಚ್ಯವಾಗಿ ನಿಂದಿಸಿ ಹಲ್ಲೆ ಮಾಡಿದ್ದಾರೆ ಎನ್ನಲಾಗಿದೆ.
