ಶಿವಮೊಗ್ಗ, ಮಾ. 27:
ಅಪರಿಚಿತರು ಹಾರಿಸಿದ ಗುಂಡಿಗೆ ರೈತನೋರ್ವ ಸಾವು ಕಂಡ ಘಟನೆ ವರದಿಯಾಗಿದೆ.ಮೃತರನ್ನು ಕಾಂತರಾಜ್, 40 ವರ್ಷ, ಮೇಲಿನಕೊಪ್ಪ, ತೀರ್ಥಹಳ್ಳಿ ಎಂದು ಗುರುತಿಸಲಾಗಿದೆ.
ತೀರ್ಥಹಳ್ಳಿ ಪೊಲೀಸ್ ಠಾಣಾ ವ್ಯಾಪ್ತಿಯ ಶಿರಿಗಾರುವಿನಿಂದ ಹೊಸ್ಕೇರಿ ಮತ್ತು ಅತ್ತಿಗಾರುಗೆ ಹೋಗುವ ರಸ್ತೆಯ ಪಕ್ಕದಲ್ಲಿ ಗುಂಡೇಟು ತಗುಲಿದ ಪರಿಣಾಮ ಅವರು ಮೃತ ಪಟ್ಟಿರುತ್ತಾರೆ.
ಇವರಿಗೆ ಯಾವ ಕಾರಣಕ್ಕೆ ಗುಂಡೇಟು ತಗುಲಿತು, ಯಾರು ಗುಂಡು ಹಾರಿಸಿರುತ್ತಾರೆಂಬ ಬಗ್ಗೆ ಅನುಮಾನವಿರುತ್ತದೆ ಎಂದು ಮೃತನ ಸಹೋದರ ನೀಡಿದ ದೂರಿನ ಮೇರೆಗೆ ಗುನ್ನೆ ಸಂಖ್ಯೆ 0056/2022 ಕಲಂ 302 ಐಪಿಸಿ ಮತ್ತು ಕಲಂ 27(3) ARMS ACT-1959 ರೀತ್ಯಾ ಪ್ರಕರಣ ದಾಖಲಿಸಿ ಪೊಲೀಸ್ ಇಲಾಖೆ ತನಿಖೆ ಕೈಗೊಂಡಿರುತ್ತದೆ.
