ಶಿವಮೊಗ್ಗ, ಮಾ.14:
ಕಳೆದ ಹನ್ನೆರಡು ದಿನದ ಹಿಂದೆ ಲಾರಿ ಕದ್ದಿದ್ದ ಬೂಪನನ್ನು ಸಾಗರ ಗ್ರಾಮಾಂತರ ಪೊಲೀಸರು ಬಂಧಿಸಿ ಆರೋಪಿ ಬಳಿ ಇದ್ದ ಸುಮಾರು ಏಳೂವರೆ ಲಕ್ಷರೂ ಮೌಲ್ಯದ ಲಾರಿ ವಶಪಡಿಸಿಕೊಂಡಿದ್ದಾರೆ.
ಸಾಗರ ಗ್ರಾಮಾಂತರ ಪೊಲೀಸ್ ಠಾಣಾ ವ್ಯಾಪ್ತಿಯ ದಾಸಕೊಪ್ಪ ಗ್ರಾಮದ ವಾಸಿಯೊಬ್ಬರ ಟಾಟಾ ಕಂಪನಿಯ ನೋಂದಣಿ ಸಂಖ್ಯೆ ಕೆಎ16ಬಿ5442 ಲಾರಿ ದಿಃ-03-03-2022ರಂದು ರಾತ್ರಿ ಕಳುವಾಗಿತ್ತು.
ಈ ಬಗ್ಹೆ ಲಾರಿ ಮಾಲಿಕ ಯಾರೋ ಕಳ್ಳತನ ಮಾಡಿಕೊಂಡು ಹೋದ ಬಗ್ಗೆ ನೀಡಿದ ದೂರಿನ ಮೇರೆಗೆ ಗುನ್ನೆ ಸಂಖ್ಯೆ 0105/2022 ಕಲಂ 379ಐಪಿಸಿ ರೀತ್ಯಾ ಪ್ರಕರಣ ದಾಖಲಿಸಿಕೊಳ್ಳಲಾಗಿತ್ತು.
ಪಿಐ ಸಾಗರ ಗ್ರಾಮಾಂತರ ಮತ್ತು ಸಿಬ್ಬಂಧಿಗಳ ತಂಡವು ಸದರಿ ಪ್ರಕರಣದ ತನಿಖೆ ಕೈಗೊಂಡು ಪ್ರಕರಣದ ಆರೋಪಿ ಕರಿಬಸಪ್ಪ ಬಿ.ಕೆ @ ಕರಿಯ, 32 ವರ್ಷ ವಾಸ ನ್ಯಾಮತಿ ದಾವಣಗೆರೆ ಎಂಬಾತನನ್ನು ದಸ್ತಗಿರಿ ಮಾಡಿ, ಆರೋಪಿತನಿಂದ ಅಂದಾಜು ಮೌಲ್ಯ 7,50,000/- ರೂ ಗಳ ಟಾಟಾ ಕಂಪನಿಯ ಲಾರಿಯನ್ನು ವಶಪಡಿಸಿಕೊಂಡಿರುತ್ತಾರೆ.
