ಶಿವಮೊಗ್ಗ, ಮಾ.02:
ಪ್ರಸಿದ್ದ ತಾವರೆಕೊಪ್ಪದ ಹುಲಿ ಮತ್ತು ಸಿಂಹಧಾಮ (ಲಯನ್ ಸಫಾರಿ) ದಲ್ಲಿ ಈಗ ಹೊಸ ಅತಿಥಿಯೊಬ್ಬರು ಬಂದಿದ್ದಾರೆ. ಬಂದವಳು ಸುಂದರ ಹುಲಿರಾಣಿ ಪೂರ್ಣಿಮಾ. ಆಕೆಗೆ ಭವ್ಯ ಸ್ವಾಗತ ನೀಡಲಾಯಿತು.
ಮೈಸೂರಿನಿಂದ ಹೆಣ್ಣುಹುಲಿಯ ಆಗಮನವಾಗಿದ್ದು ಇದರಿಂದ ಸಫಾರಿಯಲ್ಲಿನ ಹುಲಿ ಸಂಖ್ಯೆ ಆರಕ್ಕೇರಿದೆ.
ಮೈಸೂರಿನ ಮೃಗಾಯಲದಿಂದ ಕೋರಿಕೆ ಮೇರೆಗೆ ಹುಲಿಯೊಂದು ತ್ಯಾವರೇ ಕೊಪ್ಪಕ್ಕೆ ಬಂದಿದೆ. ಪೂರ್ಣಿಮಾ ಎಂಬ 11 ವರ್ಷದ ಹುಲಿಯು ತ್ಯಾವರೇಕೊಪ್ಪದ ಹೊಸ ಅತಿಥಿಯಾಗಿದೆ.
ಸದ್ಯ ಈ ಸಿಂಹದಾಮದಲ್ಲಿ ರಾಮಾ, ಸೀತಾ, ವಿಜಯ, ದಶಮಿ, ಹನುಮ ಎಂಬ ಹುಲಿಗಳಿವೆ. ಇದರ ಜೊತೆ ಪೂರ್ಣಿಮಾ ಹೊಸದಾಗಿ ಸೇರಿಕೊಂಡಿದ್ದಾಳೆ. ಸಿಂಹದಾಮದಲ್ಲಿ ಹೊಸ ಕಳೆ ಬಂದಂತಾಗಿದೆ. ಸದ್ಯದಲ್ಲೇ ಸಿಗಲಿರುವ ಪೂರ್ಣಿಮಾನ ಪೋಟೋ ಇದೇ ಬೆಬ್ ನಲ್ಲಿ ಬಿತ್ತರಗೊಳ್ಳಲಿದೆ.
