ಕಾಲ್ಪನಿಕ ಚಿತ್ರ: Google
ಶಿವಮೊಗ್ಗ, ಫೆ.01:
ಪತಿಗೆ ಟಾಟಾ ಹೇಳಿದ ಪತ್ನಿಯೊಬ್ಬರು ಮನೆಯಲ್ಲಿದ್ದ ನಗದು ಆಭರಣದೊಂದಿಗೆ ಪರಾರಿಯಾಗಿರುವ ಘಟನೆ ಜಿಲ್ಲೆಯ ತೀರ್ಥಹಳ್ಳಿ ತಾಲ್ಲೂಕಿನಲ್ಲಿ ನಡೆದಿದೆ.
ಗಂಡನ ಜೊತೆ ಕೂಲಿ ಕೆಲಸಕ್ಕಾಗಿ ಬಂದಿದ್ದ ಈ ವಿವಾಹಿತ ಮಹಿಳೆ ಮತ್ಯಾರೋ ಒಬ್ಬರ ಜೊತೆ ಓಡಿಹೋಗಿದ್ದು ಓಡಿ ಹೋಗುವಾಗ ಗಂಡ ತಂದಿಟ್ಟಿದ್ದ 1,10,000/- ಹಣ ಮತ್ತು ಬಂಗಾರ ಒಡವೆಗಳೊಂದಿಗೆ ನಾಪತ್ತೆಯಾಗಿರುವುದಾಗಿ ಗಂಡ ತೀರ್ಥಹಳ್ಳಿ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದಾರೆ
ತೀರ್ಥಹಳ್ಳಿ ಗ್ರಾಮದ ಹಾರೋಗೊಳಿಗೆ ಗ್ರಾಮದ ಗೋರ್ಗಲ್ ನಲ್ಲಿ ಚಿತ್ರದುರ್ಗದ ಚಿಕ್ಕಗೊಂಡನ ಗ್ರಾಮದಿಂದ 40 ವರ್ಷದ ತಿಪ್ಪೇಸ್ವಾಮಿ ಹಾಗೂ ಆತನ ಪತ್ನಿ ಕೂಲಿಕೆಲಸಕ್ಕಾಗಿ ಬಂದಿದ್ದು, ಗ್ರಾಮದಲ್ಲಿ ಕ್ಯಾಂಪ್ ಮಾಡಿಕೊಂಡು ವಾಸವಾಗಿರುತ್ತಾರೆ.
ಜ.23 ರಂದು ಕ್ಯಾಂಪ್ ನಲ್ಲಿಯೇ ಮಲಗಿದ್ದ ವೇಳೆ ವಿವಾಹಿತ ಮಹಿಳೆ ದಿಡೀರನೆ ನಾಪತ್ತೆಯಾಗಿದ್ದಾಳೆ. ನಾಪತ್ತೆ ಆಗುವಾಗ ತಿಪ್ಪೇ ಸ್ವಾಮಿ ಕೂಲಿಕೆಲಸ ಮಾಡುವವರ ಸಂಬಳ ನೀಡಲು ತಂದಿಟ್ಟಿದ್ದ 1,10,000/- ರೂ ಹಣ ಮತ್ತು ಮೈಮೇಲೆ ಹಾಕಿಕೊಂಡಿದ್ದ, ಬಂಗಾರದ ಮಾಂಗಲ್ಯ ಸರ, ಒಂದು ಬಂಗಾರದ ಚೈನ್ ಹಾಗೂ 1 ಜೊತೆ ಕಿವಿ ಓಲೆಯೊಂದಿಗೆ ಪರಾರಿಯಾಗಿದ್ದಾಳೆ ಎಂದು ದೂರಿನಲ್ಲಿ ತಿಳಿಸಿದ್ದಾರೆ.
ಇದೇ ವೇಳೆ ಈ ಕ್ಯಾಂಪಿನಲ್ಲಿದ್ದ ರವಿ ಎಂಬಾತನು ಕಾಣೆಯಾಗಿದ್ದು ಚರ್ಚೆಗೆ ಕಾರಣವಾಗಿದೆ. ತನ್ನ ಪತ್ನಿಯನ್ನ ಹುಡುಕಿಕೊಡಿ ಎಂದು ತಿಪ್ಪೇಸ್ವಾಮಿ ತೀರ್ಥಹಳ್ಳಿ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದಾರೆ.
