ತುಂಗಾನಗರ ಠಾಣಾ ವ್ಯಾಪ್ತಿಯಲ್ಲಿ ಗಾಂಜಾದೊಂದಿಗೆ ಐವರ ಬಂಧನ, ಸಿಕ್ಕವರಾರು ಗೊತ್ತಾ….?

ಶಿವಮೊಗ್ಗ, ಜ.13:
ಇಲ್ಲಿನ ತುಂಗಾನಗರ ಪೊಲೀಸ್ ಠಾಣಾ ವ್ಯಾಪ್ತಿಯ ಮಳಲಿಕೊಪ್ಪ ಚಾನೆಲ್ ಹತ್ತಿರ ಶಂಕ್ರಪ್ಪರವರ ಕ್ರಷರ್ ಗೆ ಹೋಗುವ ರಸ್ತೆಯಲ್ಲಿ ಗಾಂಜಾ ಮಾರಾಟ ಮಾಡುತ್ತಿದ್ದ ಐವರನ್ನು ಪೊಲೀಸರು ಬಂಧಿಸಿದ್ದಾರೆ.

ಈ 5 ಜನ ಆರೋಪಿಗಳು ದ್ವಿಚಕ್ರ ವಾಹನಗಳನ್ನು ನಿಲ್ಲಿಸಿಕೊಂಡು ಮಾದಕ ವಸ್ತು ಗಾಂಜಾವನ್ನು ಸಾರ್ವಜನಿಕರಿಗೆ ಮಾರಾಟ ಮಾಡುತ್ತಿರುವ ಬಗ್ಗೆ ಬಂದ ಖಚಿತ ಮಾಹಿತಿಯ ಮೇರೆಗೆ ಪಿಎಸ್ಐ ತುಂಗಾನಗರ ಹಾಗೂ ಸಿಬ್ಬಂದಿಗಳ ತಂಡವು ದಾಳಿ ನಡೆಸಿ ಆರೋಪಿತರಾದ 1)ಅಭಿಷೇಕ್, 20 ವರ್ಷ, ಭೋವಿ ಕಾಲೋನಿ ಭದ್ರಾವತಿ, 2)ವಿಶ್ವನಾಥ, 33 ವರ್ಷ, ಇಂದಿರಾನಗರ, ಶಿವಮೊಗ್ಗ, 3)ಕಿರಣ್ ಕುಮಾರ್, 25 ವರ್ಷ, ಇಂದಿರಾ ನಗರ ಶಿವಮೊಗ್ಗ, 4)ಸುಮಿತ್ @ಸುಮಂತ, 22 ವರ್ಷ, ಉಂಬ್ಳೆ ಬೈಲು ಗ್ರಾಮ ಶಿವಮೊಗ್ಗ, 5) ಕಿರಣ್, 25 ವರ್ಷ, ಗಾಂಧಿನಗರ ಭದ್ರಾವತಿ ಅವರುಗಳನ್ನು ದಸ್ತಗಿರಿ ಮಾಡಿದೆ.
ಆರೋಪಿತರಿಂದ ಅಂದಾಜು ಮೌಲ್ಯ 40,000 ರೂ ಗಳ ಒಟ್ಟು1 ಕೆಜಿ 130 ಗ್ರಾಂ ತೂಕದ ಒಣ ಗಾಂಜಾ, ರೂ 1100/- ನಗದು ಹಣ, ಮತ್ತು ಕೃತ್ಯಕ್ಕೆ ಬಳಸಿದ್ದ ದ್ವಿ ಚಕ್ರ ವಾಹನವನ್ನು ವಶಪಡಿಸಿಕೊಂಡು ಆರೋಪಿತರ ವಿರುದ್ಧ ಗುನ್ನೆ ಸಂಖ್ಯೆ 0016/2022 ಕಲಂ 8(c), 20(b), 20(B)(ll), 27(b) NDPS ಕಾಯ್ದೆ ರೀತ್ಯಾ ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದೆ.

ಜಿಲ್ಲಾ ರಕ್ಷಣಾಧಿಕಾರಿಗಳ ಮಾರ್ಗದರ್ಶನದಲ್ಲಿ ತುಂಗಾನಗರ ಪೊಲೀಸರ ಕಾರ್ಯಕ್ಕೆ ಆ ಭಾಗದ ಸಾರ್ವಜನಿಕರು ಅಭಿನಂದಿಸಿದ್ದಾರೆ.