ಶಿವಮೊಗ್ಗ, ಜು.26:
ಕಳೆದೊಂದು ವಾರದಿಂದ ಶಿವಮೊಗ್ಗ ಜಿಲ್ಲೆಯ ಕೊರೊನಾ ಸೊಂಕಿತರ ಸಂಖ್ಯೆ ಹೆಚ್ಚುತ್ತಿದ್ದು, ಸಾವಿರ ದಾಟಿದ ಸೊಂಕಿತರನ್ನ ಕಂಡಿದ್ದೇವೆ.
ಈಗಷ್ಟೆ ಬಂದ ವರದಿ ಅನುಸಾರ ಶಿವಮೊಗ್ಗ ಜಿಲ್ಲೆಯಲ್ಲಿಂದು 56 ಪ್ರಕರಣಗಳು ಪತ್ತೆಯಾಗಿದ್ದು ಒಟ್ಟು ಸೊಂಕಿತರ ಸಂಖ್ಯೆ 1315
ಶಿವಮೊಗ್ಗ ಸಾವಿನ ಸಂಖ್ಯೆ ವರದಿಯನುಸಾರ 24. ಇಂದು ಮತ್ತೆ ಇಬ್ಬರು ಸಾವು ಕಂಡಿದ್ದಾರೆನ್ನಲಾಗಿದೆ. ಶಿವಮೊಗ್ಗ ಗೋಪಾಳ ಮೂಲದ ಪುರುಷ ಹಾಗೂ ಭದ್ರಾವತಿ ಮೂಲದ ವೃದ್ದೆ ಸಾವುಕಂಡಿದ್ದಾರೆ ಎಂದು ತಿಳಿದುಬಂದಿದೆ.
ಭಾನುವಾರದ ಇಂದಿನ ವರದಿಯಲ್ಲಿ ಶಿವಮೊಗ್ಗ, ಹಾಗೂ ಶಿಕಾರಿಪುರ, ಭದ್ರಾವತಿಯಲ್ಲಿ ತೀರಾ ಗಾಬರಿಯಾಗುವಂತೆ ಕೊರೊನಾ ಸೊಂಕಿತರ ಸಂಖ್ಯೆ ಹೆಚ್ಚಿದೆ.
ಇಂದು ಶಿವಮೊಗ್ಗದಲ್ಲಿ 26, ಭದ್ರಾವತಿಯಲ್ಲಿ 9 ಪ್ರಕರಣ ಕಂಡುಬಂದಿವೆ.
ಮುಖ್ಯಮಂತ್ರಿಗಳ ತವರು ಕ್ಷೇತ್ರವಾದ ಶಿಕಾರಿಪುರದಲ್ಲಿ ಇಂದು ಮತ್ತೆ 12 ಪ್ರಕರಣ ಕಂಡುಬಂದಿದೆ, ಸೊರಬದಲ್ಲಿ 5,ಸಾಗರ,ಹೊಸನಗರ, ತೀರ್ಥಹಳ್ಳಿಯಲ್ಲಿ ತಲಾ 1,ಅನ್ಯ ಜಿಲ್ಲೆಗಳ 1ಪ್ರಕರಣಗಳು ಪತ್ತೆಯಾಗಿದೆ.
ಒಟ್ಟು 1315 ಪ್ರಕರಣಗಳಲ್ಲಿ 725ಜನ ಗುಣಮುಖರಾಗಿ ಮನೆಗೆ ಮರಳಿದ್ದಾರೆ. ಉಳಿದ
ಸೊಂಕಿತರಿಗೆ ಕೋವಿಡ್ ಆಸ್ಪತ್ರೆ ಹಾಗೂ ಗಾಜನೂರಿನ ಮುರಾರ್ಜಿ ಶಾಲೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ.
