ಶಿವಮೊಗ್ಗ ಶೇಷಾದ್ರಿಪುರಂ ಮನೆಯಲ್ಲಿ ಮೂರು ಹಾವಿನ ಮರಿಗಳು…!

ಶಿವಮೊಗ್ಗ, ಡಿ.26:
ಶಿವಮೊಗ್ಗ ನಗರದ ಶೇಷಾದ್ರಿಪುರಂ ಬಡಾವಣೆ 5 ನೇ ಕ್ರಾಸ್ ನ ಮಹಮ್ಮದ್ ಇಬ್ರಾಹಿಂ ಎಂಬುವರ ಮನೆಯಲ್ಲಿ, ಮೂರು ಹಾವಿನ ಮರಿಗಳು ಪತ್ತೆಯಾದ ಘಟನೆ ವರದಿಯಾಗಿದೆ.

ನಡುಮನೆಯಲ್ಲಿ ಹಾವಿನ ಮರಿಗಳು ಕಂಡುಬಂದಿವೆ. ತಕ್ಷಣವೇ ಕುಟುಂಬ ಸದಸ್ಯರು, ಸ್ನೇಕ್ ಕಿರಣ್ ಗೆ ಮಾಹಿತಿ ನೀಡಿದ್ದಾರೆ.

ಸ್ಥಳಕ್ಕಾಗಮಿಸಿದ ಅವರು, ಹಾವಿನ ಮರಿಗಳ ಸಂರಕ್ಷಿಸಿದ್ದಾರೆ. ‘ಆಭರಣ ಜಾತಿಗೆ ಸೇರಿದ ಹಾವಿನ ಮರಿಗಳಾಗಿದ್ದು, ವಿಷರಹಿತವಾಗಿವೆ’ ಎಂದು ಸ್ನೇಕ್ ಕಿರಣ್ ಮಾಹಿತಿ ನೀಡಿದ್ದಾರೆ.