ಶಿವಮೊಗ್ಗ: ಇಲ್ಲಿನ ಮತ್ತೂರು ರಸ್ತೆ ಸಹ್ಯಾದ್ರಿ ಕಾಲೇಜು ಹಿಂಭಾಗದ ಶ್ರೀಗುರು ಕನ್ನೇಶ್ವರ ಸ್ವಾಮಿ ಆಶ್ರಮದಲ್ಲಿ ಡಿಸೆಂಬರ್ 18 ಹಾಗೂ 19 ರಂದು ದತ್ತ ಜಯಂತಿ ನಡೆಯಲಿದ್ದು, ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಸಹಯೋಗದಲ್ಲಿ ಡಿ.18 ರ ಶನಿವಾರ ರಾತ್ರಿ 10.30ಕ್ಕೆ ಸಿ.ಕೆ.ನಳೀನ ಮತ್ತು ತಂಡದವರಿಂದ ಮುದುಕನ ಮದುವೆ ಸಾಮಾಜಿಕ ನಾಟಕ ಪ್ರದರ್ಶನ ನಡೆಯಲಿದೆ.
18 ಹಾಗೂ 19ರಂದು ಎರಡು ದಿನಗಳ ಕಾಲ ದತ್ತ ಜಯಂತಿಯ ವಿಶೇಷ ಕಾರ್ಯಕ್ರಮಗಳು ನಡೆಯುತ್ತಿದ್ದು, 18ರ ರಾತ್ರಿ ನಾಟಕ ಪೂರ್ವದಲ್ಲಿ ಶ್ರೀ ಮಲ್ಲಣ್ಣ ಶ್ರೀಗಳ ಸಾನಿಧ್ಯದ ಕಾರ್ಯಕ್ರಮ ನಡೆಯಲಿದೆ. ರಾಜ್ಯ ಸರ್ಕಾರಿ ನೌಕರರ ಸಂಘದ ಅಧ್ಯಕ್ಷ ಸಿ.ಎಸ್.ಷಡಾಕ್ಷರಿ, ಇಲಾಖೆಯ ಸಹಾಯಕ ನಿರ್ದೇಶಕ ಹೆಚ್.ಉಮೇಶ್, ಸಂಘದ ಉಪಾಧ್ಯಕ್ಷ ಮೋಹನ್ ಕುಮಾರ್, ದತ್ತ ಆರಾಧಕರಾದ ಬ್ರಹ್ಮಾನಂದರು, ಪ್ರಭಾಕರ್, ಗುಣವಂತಗೌಡ, ಪರತಾತ್ವನಂದರು ಹಾಗೂ ತನ್ಮಯಾನಂದರು ಆಗಮಿಸಲಿದ್ದಾರೆ.
ಕಾರ್ಯಕ್ರಮವು ಸದ್ಗುರು ಶ್ರೀಸತ್ ಉಪಾಸಿ ದಿವ್ಯಾಶ್ರಮ ನಡೆಯಲಿದ್ದು, ಆಶ್ರಮದ ಪರವಾಗಿ ಆರಾಧಕ, ವಾರ್ತಾ ಇಲಾಖೆಯ ಮಾಲತೇಶ್ ಅವರು ಸರ್ವರನ್ನೂ ಸ್ವಾಗತಿಸಿದ್ದಾರೆ.
