ಶಿಕ್ಷಣದ, ಅ.15:
ಆಯುದಪೂಜೆಯಂದೇ, ಯುವಕನೋರ್ವ ಮಾರಕ ಆಯುದಗಳಿಗೆ ಬಲಿಯಾಗಿರುವ ಘಟನೆ ವರದಿಯಾಗಿದೆ.
ಇಲ್ಲಿನ ಬಾಪೂಜಿ ನಗರದ ಮುಖ್ಯರಸ್ತೆಯ ಗಂಗಾಮತ ವಿದ್ಯಾರ್ಥಿ ನಿಲಯದ ಎದುರು ಶಿವಮೊಗ್ಗ ವೀರಭದ್ರೇಶ್ವರ ಚಿತ್ರ ಮಂದಿರ ಪಕ್ಕದಲ್ಲಿರು ಮಾರುತಿ ನೆಕ್ಸಾ ಶೊ ರೂಮಿನ ನೌಕರನನ್ನ ಬರ್ಬರ ಹತ್ಯೆ ಮಾಡಲಾಗಿದೆ ಎಂದು ಹೇಳಲಾಗಿದೆ.
ಅನೈತಿಕ ಸಂಬಂಧ ಎಂದು ಒಂದೆಡೆ ಹೇಳಿದರೆ ಮತ್ತೊಂದೆಡೆ ಪ್ರೀತಿ ಹಿನ್ನಲೆಯಲ್ಲಿ ಕೊಲೆ ನಡೆದಿರ ಬಹುದು ಎಂದು ಶಂಕಿಸಲಾಗಿದೆ.
ಗೋಪಾಳದ ಸ್ವಾಮಿ ವಿವೇಕಾನಂದ ಬಡಾವಣೆಯ ಸಂತೋಷ್ (30) ಎಂಬ ಯುವಕ ನಿನ್ನೆ ರಾತ್ರಿ ಹಾಸ್ಟೆಲ್ ಮುಂದೆ ಬರುತ್ತಿದ್ದ ವೇಳೆ ಸುಮಾರು 7 ಜನರ ಗುಂಪು ಆಯುಧಗಳಿಂದ ದಾಳಿನಡೆಸಿ ಹತ್ಯೆಗೈದಿದ್ದಾರೆ.
ಪಿತೃಪಕ್ಷದ ಹಿನ್ನಲೆಯಲ್ಲಿ ಪರಿಚಯಸ್ಥರ ಮನೆಗೆ ಹೋಗುವಾಗ ಈ ಘಟನೆ ನಡೆದಿದೆ. ಅವೆಂಜರ್ ಬೈಕ್ ನಲ್ಲಿ ಬರುತ್ತಿದ್ದ ಸಂತೋಷ್ ನನ್ನು ಅಡ್ಡಹಾಕಿ ಹತ್ಯೆ ಮಾಡಲಾಗಿದೆ.ಈ ಘಟನೆ ಸ್ಥಳೀಯರಿಗೆ ಆತಂಕ ಮೂಡಿಸಿದೆ.
ಆರೋಪಿಗಳು ಪರಾರಿಯಾಗಿದ್ದಾರೆ. ಇಲ್ಲಿನ ಸಿಸಿ ಟಿವಿ ಕ್ಯಾಮೆರಾಗಳೆಲ್ಲಾ ಸ್ಮಾರ್ಟ್ ಸಿಟಿ ಕಾಮಗಾರಿಯಿಂದ ಹಾಳಾಗಿದೆ. ಈ ಹಿನ್ನಲೆಯಲ್ಲಿ ಆರೋಪಿಗಳನ್ನ ಹುಡುಕುವಲ್ಲಿ ಪೊಲೀಸರಿಗೆ ಕಷ್ಟವಾಗಿದೆ. ಕೋಟೆ ಪೊಲೀಸರ ತನಿಖೆ ಮುಂದುವರೆದಿದೆ.
