ಶಿವಮೊಗ್ಗ: ಶಿಕಾರಿಪುರ ತಾಲೂಕಿನ ಅಮಟೆಕೊಪ್ಪದ ಸ್ಮಶಾನದ ಸಮೀಪ ಮಹಿಳಯೊರ್ವರ ಕತ್ತುಸೀಳಿ ಕೊಲೆ ಮಾಡಿರುವ ಘಟನೆ ವರದಿಯಾಗಿದೆ.
ತಾಲೂಕಿನ ಕಪ್ಪನಹಳ್ಲಿ ಗ್ರಾಮದ ಹೇಮಾವತಿ (35) ಕೊಲೆಯಾದ ಮಹಿಳೆ. ಕೊಲೆಗೆ ಅನೈತಿಕ ಸಂಬಂಧವೆನ್ನಲಾಗಿದೆ.
ಘಟನೆಯ ವಿವರ:
ಹೇಮಾವತಿ ಇವರ ಗಂಡ ಹತ್ತು ವರ್ಷಗಳ ಹಿಂದೆ ಮೃತಪಟ್ಟಿದ್ದು, ಮೂರು ವರ್ಷಗಳಿಂದ ಅದೇ ಗ್ರಾಮದ ವ್ಯಕ್ತಿಯೊಬ್ಬರ ಜೊತೆ ಸಲುಗೆಯಿಂದ ಇದ್ದ ವಿಚಾರವಾಗಿ ಪಂಚಾಯಿತಿ ಮಾಡಿ ಆ ಗ್ರಾಮದ ವ್ಯಕ್ತಿಗೆ ಹೇಮಾವತಿಯವರ ಸಹವಾಸಕ್ಕೆ ಹೋಗಬಾರದೆಂದು
ತಿಳಿಸಲಾಗಿತ್ತು. ಪಂಚಾಯಿತಿ ದಿನ ಹೇಮಾವತಿಯವರಿಗೆ ಸದರಿ ವ್ಯಕ್ತಿಯು ಕೊಲೆ ಬೆದರಿಕೆ ಯನ್ನು ಸಹ ಹಾಕಿದ್ದು, ಇಂದು ಬೆಳಗಿನ ಜಾವ ಹೇಮಾವತಿ ಫ್ಯಾಕ್ಟರಿಯ ಕೆಲಸಕ್ಕೆ ಹೋಗುತ್ತಿರುವಾಗ ಶಿಕಾರಿಪುರ ಅಮಟೆಕೊಪ್ಪ ಸ್ಮಶಾನದ ಹತ್ತಿರ ಕೊಲೆ ಮಾಡಿದ್ದಾನೆ.
ಶಿಕಾರಿಪುರ ಗ್ರಾಮಾಂತರ ಠಾಣೆಯಲ್ಲಿ ದೂರು ದಾಖಲಿಸಲಾಗಿದೆ.
