ತೀರ್ಥಹಳ್ಳಿಯಲ್ಲಿ ಗ್ರೇಟ್ ವರ್ಕ್!
ಶಿವಮೊಗ್ಗ, ಜು.16: ತೀರ್ಥಹಳ್ಳಿ ತಾಲ್ಲೂಕಿನಲ್ಲಿ ಕಾರು ಮಾಲೀಕರು ಸರ್ಕಾರಿ ನೌಕರರು BPL ಕಾರ್ಡ್ ಹೊಂದಿದ್ದರೆ ದಂಡ ಕಟ್ಟುವುದು ಅನಿವಾರ್ಯ. ಇದು ಹೊಸ ಕಾನೂನೇನಲ್ಲ. ಬರೋಬ್ಬರಿ ವರುಷದಿಂದ ಈ ನಿಯಮ ಇದೆ.
ಆದರೆ, ತಣ್ಣನೆಯ ಜಾಗದಲ್ಲಿ ಬೆಚ್ಚಗೆ ಮಲಗಿರುವ ಅಧಿಕಾರಿಗಳಿಗೆ ಇತ್ತ ನೋಡಲು ಸಮಯವೇ ಇಲ್ಲ. ಹುಕಾಡಿದ ಚಿಕ್ಕ ನಿದರ್ಶನಗಳು ಶಿವಮೊಗ್ಗ ನಗರದಲ್ಲಿ ಇಲ್ಲವೇ ಇಲ್ಲ!
ಈ ವಿಚಾರಕ್ಕೆ ಬಡಿದೆಚ್ಚರಿದಿದ ಕಾರ್ಯವನ್ನು ತೀರ್ಥಹಳ್ಳಿ ಅಧಿಕಾರಿಗಳು ಹಾಗೂ
ಈಗಾಗಲೇ ಸಿಬ್ಬಂದಿಗಳು ಮಾಡಿದ್ದಾರೆ. ಇದರ ಮೂಲಕ‌ಕೆಲಸ ಮಾಡದ ಅಧಿಕಾರಿಗಳಿಗೆ ಪರೋಕ್ಷವಾಗಿ ಕ್ಯಾಕರಿಸಿದ್ದಾರೆ.
ತೀರ್ಥಹಳ್ಳಿ ತಾಲ್ಲೂಕಿನಲ್ಲಿ ಈ ಸಂಬಂಧ 2 ಲಕ್ಷದ 50 ಸಾವಿರ ರೂಪಾಯಿ ದಂಡ ವಸೂಲಾಗಿದೆಯೆಂಬ ಮಾಹಿತಿ ಲಭ್ಯವಾಗಿದೆ.
ತಾಲ್ಲೂಕಿನ ಅನೇಕ ಕಾರು ಮಾಲೀಕರು, ಸರ್ಕಾರಿ ನೌಕರರು ಸರ್ಕಾರ ಅನೇಕ ಬಾರಿ ಗಡುವು ನೀಡಿದ್ದರೂ ಸಹ BPL ಕಾರ್ಡ್ ಹಿಂದಿರುಗಿಸಿ APL ಕಾರ್ಡ್ ಪಡೆದಿರುವುದಿಲ್ಲ. ಆ ಕಾರಣ ಸರ್ಕಾರಿ ಫಲಾನುಭವಿ ಅಲ್ಲದಿದ್ದರೂ ಬಿಪಿಎಲ್ ಕಾರ್ಡ್ ಪಡೆದಿದ್ದರೆ ಅವರು ಈ ಹಿಂದೆ ಪಡೆದ ಪಡಿತರದ ಪ್ರತಿ ಕೆಜಿಗೆ 34 ರೂಪಾಯಿ 87ಪೈಸೆ ವಸೂಲಿ ಮಾಡಲು ಸರ್ಕಾರ ಸೂಚಿಸಿದ್ದು ಆ ಹಿನ್ನೆಲೆಯಲ್ಲಿ ಅನರ್ಹ ಫಲಾನುಭವಿಗಳಾದ ಕಾರು ಮಾಲೀಕರು, ಸರ್ಕಾರಿ ನೌಕರರಿಗೆ ದಂಡ ವಿಧಿಸಿ ಬಿಪಿಎಲ್ ಕಾರ್ಡ್ ರದ್ದು ಪಡಿಸಿ ಎಪಿಎಲ್ ಕಾರ್ಡ್ ನೀಡಲಾಗುತ್ತಿದೆ ಎಂದು ತೀರ್ಥಹಳ್ಳಿ ಆಹಾರ ಇಲಾಖೆಯ ಅಧಿಕಾರಿಗಳು ತಿಳಿಸಿದ್ದಾರೆ.
ಇದು ಉಳಿದ ಅಧಿಕಾರಿಗಳಿಗೆ ಬಾರಿಸಿದ ಎಚ್ಚರಿಕೆ ಗಂಟೆಯಾಗುತ್ತಾ…?!
