ಶಿವಮೊಗ್ಗ: ಎಪಿಎಂಸಿ ಅಧ್ಯಕ್ಷರ ಚುನಾವಣೆಯಲ್ಲಿ ಬಿಜೆಪಿ ಬೆಂಬಲಿತ ಅಭ್ಯರ್ಥಿ ಜೆಡಿಎಸ್ ನ ಮಹೇಶ್ 12 ಮತಗಳನ್ನು ಪಡೆದು ಅಧ್ಯಕ್ಷರಾಗಿ ಆಯ್ಕೆಯಾಗಿದ್ದಾರೆ.
ಅಧ್ಯಕ್ಷ ಸ್ಥಾನಕ್ಕೆ ಇಬ್ಬರು ನಾಮಪತ್ರ ಸಲ್ಲಿಸಿದ್ದು, ಬುಳ್ಳಾಪುರ ದಿನೇಶ್ 4 ಮತ ಪಡೆದಿದ್ದಾರೆ. ಒಟ್ಟು ಸದಸ್ಯರ ಸಂಖ್ಯೆ 17. ಸದಸ್ಯೆ ಭಾಗ್ಯ ಸತ್ಯನಾರಾಯಣ್ ಅವರು ಇತ್ತೀಚೆಗೆ ನಿಧನರಾಗಿದ್ದು, 16 ಮತಗಳಲ್ಲಿ 12 ಮಹೇಶ್ ಪರ, 4ದಿನೇಶ್ ಪರ ಬಂದಿದೆ. ಬಿಜೆಪಿ ಒಪ್ಪಂದದ ಮೇರೆಗೆ ಮಹೇಶ್ ಅವರನ್ನು ಬೆಂಬಲಿಸಿದೆ.
ಈ ಸಂದರ್ಭದಲ್ಲಿ ಎಪಿಎಂಸಿ ಸದಸ್ಯರಾದ ಭಾಗ್ಯ ಮೋಹನ್ ರೆಡ್ಡಿ, ಬಿಜೆಪಿ ಮತ್ತು ಜೆಡಿಎಸ್ ಪ್ರಮುಖರಾದ ಜ್ಯೋತಿ ಪ್ರಕಾಶ್, ಮೋಹನ್ ರೆಡ್ಡಿ, ಉಂಬಳೇಬೈಲು ಮೋಹನ್, ಕುಮಾರ್ ನಾಯ್ಕ್, ಮಂಡೇನಕೊಪ್ಪ ದೇವರಾಜ್, ನಾಗರಾಜ್ ಕಂಕಾರಿ, ಪಾಲಾಕ್ಷಿ ಮೊದಲಾದವರಿದ್ದರು.
ಉಂಬ್ಳೇಬೈಲ್ ಮೋಹನ್ ಅವರಿಗೆ ಹೃದಯ ಶಸ್ತ್ರ ಚಿಕಿತ್ಸೆಯಾಗಿದ್ದು, ಅವರಿಗೆ ನಡೆಯಲು ಆಗದ ಕಾರಣ ಕುರ್ಚಿಯಲ್ಲಿ ಎತ್ತಿಕೊಂಡು ಬಂದು ಮತ ಚಲಾವಣೆ ಮಾಡಿದರು.
