ಭದ್ರಾವತಿಯ ಸಾದತ್ ಕಾಲೋನಿಯಲ್ಲಿ ಜಾವೀದ್ ಎಂಬುವವರ ಅಡಕೆ ಗೋಡೌನ್ ನಲ್ಲಿ ಇಟ್ಟಿದ್ದ 20 ಚೀಲ ಸಿಪ್ಪೆ ಗೋಟು ಅಡಕೆಯನ್ನು ಕಳ್ಳತನ ಮಾಡಿದ್ದ ಆರೋಪಿಗಳನ್ನು ಬಂಧಿಸುವಲ್ಲಿ ಪೊಲೀಸರು ಯಶಸ್ವಿಯಾಗಿ ದ್ದಾರೆ.
ಹಳೆ ನಗರ ಪೊಲೀಸ್ ಠಾಣೆಯಲ್ಲಿ ಮಾಲೀಕ ಜಾವೀದ್ ಅವರ ದೂರಿನ ಮೇರೆಗೆ ತನಿಖೆ ಕೈಗೊಂಡ ನಗರ ವೃತ್ತದ ಪಿಐ, ಹಳೆನಗರ ಠಾಣೆಯ ಪಿಎಸ್ ಐ ಹಾಗು ಸಿಬ್ಬಂದಿಗಳ ಕಾರ್ಯಚರಣೆ ನಡೆಸಿದ್ದು, ಆರೋಪಿಗಳಾದ ದಾದಾಪೀರ್, ಸಲೀಂ ಷಫಿವುಲ್ಲ ಇವರನ್ನು ಬಂಧಿಸಿದ್ದು, 700ಕೆಜಿ ಅಡಕೆ, 1,29,500ರೂಗಳನ್ನು ಹಾಗೂ ಕೃತ್ಯಕ್ಕೆ ಬಳಸಿದ್ದ ಟಾಟಾ ಏಸ್ ವಾಹನವನ್ನು ವಶಕ್ಕೆ ಪಡೆದಿದ್ದಾರೆ.
