ಶಿವಮೊಗ್ಗ,ಫೆ.16:
ಇಲ್ಲಿನ ಟಿಪ್ಪುನಗರದ ಏಳನೇ ತಿರುವಿನಲ್ಲಿರುವ ಇಬ್ಬರು ಸಹೋದರರ ಮೇಲೆ ಗುಂಪೊಂದು ಹಣ ನೀಡದ್ದಕ್ಕಾಗಿ ಮಚ್ಚಿನಿಂದ ಹಲ್ಲೆ ನಡೆಸಿರುವ ಘಟನೆ ಇಂದು ನಡೆದಿದೆ.
ಕಾರಿನಲ್ಲಿ ಬಂದ ಸುಮಾರು ನಾಲ್ಕೈದು ಜನ ಹಾಡುಹಗಲೇ ಮಚ್ಚಿನಿಂದ ದಾಳಿ ನಡೆಸಿದ್ದಾರೆ.
ಮನೆಯಲ್ಲಿರುವಾಗಲೇ ಹಲ್ಲೆ ನಡೆಸಲಾಗಿದೆ ಎನ್ನಲಾಗಿದೆ. ಹಣಕಾಸಿನ ವಿಚಾರದಲ್ಲಿ ಹಾಗೂ ಹಳೇ ಪ್ರಕರಣ ಕುರಿತಂತೆ ಹಲ್ಲೆ ನಡೆಲಾಗಿದೆ ಎನ್ನಲಾಗಿದೆ.
ಸಯ್ಯದ್ ಇಮ್ರಾನ್(ರಿಹಾನ್) ಮತ್ತು ಸಯ್ಯದ್ ಸಾದಿಕ್ ಎಂಬ ವ್ಯಕ್ತಿಗಳ ಮೇಲೆ ಮಚ್ಚಿನಿಂದ ಹಲ್ಲೆ ನಡೆಸಲಾಗಿದೆ.
ಇಂದು ಬೆಳಿಗ್ಗೆ 11 ಗಂಟೆಗೆ ಮುಸುಕು ಹಾಕಿಕೊಂಡು ಬಂದ ನಾಲ್ಕೈದು ಯುವಕರು ಟೀ ಕುಡಿಯಲು ಹೊರಗೆ ಕರೆದು ಓಣಿಯಲ್ಲಿ ದಾಳಿ ನಡೆಸಲಾಗಿದೆ ಎನ್ನಲಾಗಿದೆ.
ಇಮ್ರಾನ್ ಹಳೇ ವಾಹನ ಖರೀದಿ ಮತ್ತು ಮಾರಾಟ ಮಾಡುವ ವ್ಯಾಪಾರಸ್ಥರಾಗಿದ್ದಾರೆ.
ಮೊನ್ನೆ ರಾತ್ರಿ ಬಚ್ಚಾ ಗ್ಯಾಂಗ್ ನವರು ಬಂದು ಹಣಕೊಡುವಂತೆ ಒತ್ತಾಯಿಸಿದ್ದಾರೆ ಎಂದು ಹೇಳಲಾಗುತ್ತಿದೆ. ಬಚ್ಚಾ ಜೈಲಿನಲ್ಲಿದ್ದರೂ ತೌಸೀಫ್ ಎಂಬ ಯುವಕನ ಮೂಲಕ ಫೋನ್ ಮಾಡಿಸಿದ್ದನು. ಈ ಕುರಿತು ಇಮ್ರಾನ್ ಠಾಣೆಯಲ್ಲಿ ದೂರು ಕೊಟ್ಟಿದ್ದನು ಎನ್ನಲಾಗಿದೆ.
ಇಮ್ರಾನ್ ಎರಡೂ ಕೈಗಳ ಮೇಲೆ ಹಲ್ಲೆ ನಡೆಸಲಾಗಿದೆ. ಸಾದಿಕ್ ಬೆರಳು ಮತ್ತು ಕಿವಿ ಭಾಗದಲ್ಲಿ ಗಾಯವಾಗಿದೆ. ತುಂಗಾ ನಗರ ಪೊಲೀಸರು ದೂರು ದಾಖಲಿಸಿಕೊಂಡಿದ್ದಾರೆ.
