ಕಾಲ್ಪನಿಕ ಚಿತ್ರ
ಶಿವಮೊಗ್ಗ: ಶಿವಮೊಗ್ಗ ಗ್ರಾಮಾಂತರ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಮಟ್ಕಾ ಜೂಜಾಡುತ್ತಿದ್ದ ಮೂವರನ್ನು ಬಂಧಿಸಿ 42,850 ರೂಗಳನ್ನು ವಶಕ್ಕೆ ಪಡೆದ ಘಟನೆ ವರದಿಯಾಗಿದೆ.
ಯಲವಟ್ಟಿ ಸರ್ಕಲ್, ಶಾಂತಿನಗರ ಚಾನಲ್ ಹತ್ತಿರ ಹಾಗೂ ಮತ್ತೋಡು ರಸ್ತೆಯ ಸಾರ್ವಜನಿಕ ಸ್ಥಳದಲ್ಲಿ ಮಟ್ಕಾ ಜೂಜಾಡುತ್ತಿದ್ದ ನಗರದ ರಾಘವೇಂದ್ರ (36) ಇತನನ್ನು ಬಂಧಿಸಿ 15,090 ರೂ. ಡ್ಯಾನಿಯಲ್ (40) ಇತನನ್ನು ಬಂಧಿಸಿ 10,620 ಹಾಗೂ ಸುರೇಶ (42) ಇತನನ್ನು ಬಂಧಿಸಿ 17,140 ರೂ ಸೇರಿದಂತೆ ಒಟ್ಟು 42,850 ರೂ.ಗಳನ್ನು ವಶಕ್ಕೆ ಪಡೆದು ದಾಖಲೆಗಳನ್ನು ವಶಕ್ಕೆ ಪಡೆದುಕೊಂಡಿದ್ದಾರೆ.
ಖಚಿತ ಮಾಹಿತಿ ಮೇರೆಗೆ ಜಿಲ್ಲಾ ಪೊಲೀಸ್ ಕಛೇರಿಯ ಡಿಎಸ್ ಬಿ ವಿಭಾಗದ ನಿರೀಕ್ಷಕ ಕುಮಾರಸ್ವಾಮಿ, ಡಿಸಿಐಬಿ ವಿಭಾಗದ ಸಿಬ್ಬಂದಿಗಳಾದ ಹೆಚ್.ಸಿ ಹಾಲಪ್ಪ, ಸತೀಶ್ ರಾಜ್, ಮಂಜುನಾಥ್ ಹಾಗೂ ಪಿ.ಸಿ.ಚಂದ್ರನಾಯ್ಕ, ಸಮೀವುಲ್ಲಾ ಮತ್ತು ವಸಂತ್ ಅವರನ್ನೊಳಗೊಂಡ ತಂಡ ಕಾರ್ಯಚರಣೆ ನಡೆಸಿದೆ.
