ಶಿವಮೊಗ್ಗ: ಮಹಾನಗರ ಪಾಲಿಕೆ, ಸಾಂಸ್ಕೃತಿಕ ದಸರಾ ಸಮಿತಿ ವತಿಯಿಂದ ಯಕ್ಷ ದಸರಾ ಅಂಗವಾಗಿ ಅ. ೩ರಂದು ಸಂಜೆ ೬ ಗಂಟೆಗೆ ಕುವೆಂಪು ರಂಗಮಂದಿರದಲ್ಲಿ ಎರಡು ಯಕ್ಷಗಾನ ಪ್ರಸಂಗUಳನ್ನು ಆಯೋಜಿಸಲಾಗಿದೆ.
೬ ಗಂಟೆಗೆ ನಾಟ್ಯಶ್ರೀ ಕಲಾತಂಡ ಶಿವಮೊಗ್ಗ ಹಾಗೂ ಅತಿಥಿ ಕಲಾವಿದರ ಕೂಡುವಿಕೆಯಲ್ಲಿ ಲಂಕಾದಹನ ಕಥಾಪ್ರಸಂಗ ನಡೆಯಲಿದ್ದು, ಇದರ ಹಿಮ್ಮೇಳದಲ್ಲಿ ಕೇಶವ ಹೆಗಡೆ ಕೊಳಗಿ, ಮಂಜುನಾಥ ಗುಡ್ಡೆದಿಂಬ, ಗಣೇಶಭಟ್ ಕೆರೆಕೈ ಇದ್ದರೆ, ಮುಮ್ಮೇಳದಲ್ಲಿ ವಿ. ದತ್ತಮೂರ್ತಿ ಭಟ್,
ಅಶೋಕ್ ಭಟ್ ಸಿದ್ಧಾಪುರ, ಶಶಾಂಕ್ ಪಟೇಲ್ ಬ್ರಹ್ಮಾವರ, ವೆಂಕಟೇಶ್ ಬಗರಿಮಕ್ಕಿ, ಶಿವು ಶಿರಳಗಿ, ಅವಿನಾಶ್ ಕೊಪ್ಪ ಇರುತ್ತಾರೆ.
ಹಾಗೆಯೇ ರಾತ್ರಿ ೮ ಗಂಟೆಗೆ ಶ್ರೀ ಮಹಾಗಣಪತಿ ಯಕ್ಷಗಾನ ಕಲಾಬಳಗದಿಂದ ಸುದರ್ಶನ ವಿಜಯ ಪ್ರಸಂಗ ನಡೆಯಲಿದೆ.
ಹಿಮ್ಮೇಳದಲ್ಲಿ ನಾಗರಾಜರವ್ ಮಗಳ್ಳೆ, ಮಂಜುನಾಥ್ ಗುಡ್ಡೆದಿಂಬ, ಗಣೇಶ್ ಕೆರೆಕೈ, ಶ್ರೀಶ ಐತುಮನೆ, ಮುಮ್ಮೇಳದಲ್ಲಿ
ಸಂಜಯ ಬೆಳೆಯೂರು, ಮಹಾಬಲೇಶ್ವರ ಗೌಡ, ಪ್ರಣವ್ ಭಟ್, ರಾಮಚಂದ್ರ ಕಾರ್ಗಲ್, ರಮೇಶ್ ಐತುಮನೆ, ಕಾವ್ಯ ಶಿವಮೊಗ್ಗ, ಕೀರ್ತಿ ಶಿವಮೊಗ್ಗ, ಗುರುಮೂರ್ತಿ ಶಿವಮೊಗ್ಗ ಇರುವರು.
ಯಕ್ಷಗಾನ ಪ್ರಸಂಗಗಳನ್ನು ರಾಜ್ಯ ಪ್ರಶಸ್ತಿ ಪುರಸ್ಕೃತ ಎಂ.ಕೆ. ರಮೇಶಾಚಾರ್ಯ ಉದ್ಘಾಟಿಸುವರು. ಶಾಸಕ ಎಸ್.ಎನ್. ಚನ್ನಬಸಪ್ಪ ಮೊದಲಾದ ಗಣ್ಯರು ಭಾಗವಹಿಸಲಿದ್ದಾರೆ.
