ಗುರುಬಸವ ಮಹಾಸ್ವಾಮಿಗಳ ಸ್ಮರಣೋತ್ಸವ ಮನೆ ಮನೆ ಹಬ್ಬವಾಗಲಿ: ಅರುಣಾದೇವಿ

ಶಿವಮೊಗ್ಗ, ಜ.26
ಪರಮ ತಪಸ್ವಿ ಜಗದ್ಗುರು ಶ್ರೀ ಗುರುಬಸವ ಮಹಾಸ್ವಾಮಿಗಳ ಸ್ಮರಣೋತ್ಸವ ಇಡೀ ಶಿವಮೊಗ್ಗ ಜಿಲ್ಲೆಯಲ್ಲಿ ಮನೆ ಹಬ್ಬದಂತಾಗಬೇಕು ಎಂದು ಸ್ಮರಣೋತ್ಸವ ಸಮಿತಿ ಅಧ್ಯಕ್ಷೆ ಬಿ.ವೈ. ಅರುಣಾದೇವಿ ಹೇಳಿದರು.
ಅವರಿಂದು ಮದ್ಯಾಹ್ನ ಸುದ್ದಿಗೋಷ್ಟಿಯಲ್ಲಿ ಮಾತನಾಡುತ್ತಾ, ಜ.28ರಂದು ನಡೆಯಲಿರುವ ಶ್ರೀಗಳ ಸ್ಮರಣೋತ್ಸವ ಕಾರ್ಯಕ್ರಮವನ್ನು ಪ್ರತಿ ಮನೆಗಳಲ್ಲೂ ಅಂದು ಆಚರಿಸುವಂತಾಗಬೇಕು. ಮನೆಯ ಮುಂದೆ ಶರಣರೊಬ್ಬರ ಭಾವಚಿತ್ರವನ್ನಿಟ್ಟು ಪೂಜಿಸುವ ಮೂಲಕ ಹಬ್ಬವನ್ನಾಗಿ ಆಚರಿಸುವ ಮೂಲಕ ಈ ಆಚರಣೆ ರಾಜ್ಯವ್ಯಾಪಿ ಪಸರಿಸಿ ನಾಡಹಬ್ಬದಂತಾಗಬೇಕು. ಜಾತಿ ಮತ ಮರೆತು ಎಲ್ಲರೂ ಇದರಲ್ಲಿ ಭಾಗವಹಿಸಿ ಶ್ರೀಗಳ ಅನುಗ್ರಹಕ್ಕೆ ಕಾರಣವಾಗಬೇಕು.