ಬ್ಯಾರಿಕೇಡ್ ಗೆ ಡಿಕ್ಕಿ, ವೈದ್ಯ ಸಾವು

ಶಿವಮೊಗ್ಗ,ಜ.12:

ತಾಲೂಕಿನ ಸುತ್ತುಕೋಟೆ ಬಳಿ ಪೊಲೀಸ್ ಬ್ಯಾರಿಕೇಡ್ ಗೆ ಡಿಕ್ಕಿ ಹೊಡೆದು ವೈದ್ಯರೋರ್ವರು ಸಾವನ್ನಪ್ಪಿರುವ ಘಟನೆ ನಿನ್ನೆ ರಾತ್ರಿ ನಡೆದಿದೆ.

ಶಿವಮೊಗ್ಗದ ಸುತ್ತುಕೋಟೆ ಬಳಿ ಸವಳಂಗ ಕಡೆಯಿಂದ ಬಂದ ಬೈಕ್ ಸವಾರ ದಿಡೀರನೇ ಪೊಲೀಸ್ ಬ್ಯಾರಿಕೇಡ್ ಗೆ ಡಿಕ್ಕಿ ಹೊಡೆಸಿದ್ದಾನೆ. ಇವರನ್ನ ಶಿವಕುಮಾರ್(44) ಎಂದು ಗುರುತುಹಿಡಿಯಲಾಗಿದೆ. ಎಂಬಿಬಿಎಸ್ ಮುಗಿಸಿರುವ ಇವರು ನ್ಯಾಮತಿಯಲ್ಲಿ ಕ್ಲಿನಿಕ್ ನಡೆಸುತ್ತಿದ್ದರು.

ಸವಳಂಗ ಕಡೆಯಿಂದ ಬರುತ್ತಿದ್ದ ಶಿವಕುಮಾರ್ ಏಕಾಏಕಿ ಬ್ಯಾರಿಕೇಡ್ ಗೆ ಡಿಕ್ಕಿ ಹೊಡೆಸಿದ್ದಾರೆ. ತಲೆ ಮತ್ತು ಮುಖಕ್ಕೆ ತೀವ್ರವಾಗಿ ಹೊಡೆತಬಿದ್ದಿದೆ. ಅವರನ್ನ ಶಿವಮೊಗ್ಗದ ಮೆಗ್ಗಾನ್ ಗೆ ದಾಖಲಿಸಲಾಗಿದೆ. ಆದರೆ ಶಿವಕುಮಾರ್ ಸಾವನ್ನಪ್ಪಿರುವುದು ತಿಳಿದುಬಂದಿದೆ.

ವೈದ್ಯ ಶಿವಕುಮಾರ್ ಗೆ ಮದುವೆಯಾಗಿದ್ದು ಪತ್ನಿ ಹಾಗೂ ಇಬ್ಬರು ಮಕ್ಕಳಿರುವುದು ತಿಳಿದುಬಂದಿದೆ. ವಿವಾಹದ ವಿಚ್ಚೇದನಕ್ಕಾಗಿ ನ್ಯಾಯಲಯದಲ್ಲಿ ದಾವೆಹೂಡಿರುವುದು ತಿಳಿದುಬಂದಿದೆ. ಶಿವಕುಮಾರ್ ಮೂಲತಃ ಹಾವೇರಿ ಜಿಲ್ಲೆ, ರಟ್ಟಿಹಳ್ಳಿ ತಾಲೂಕು ತಡಕನ ಹಳ್ಳಿ ನಿವಾಸಿಯಾಗಿದ್ದಾರೆ.