ಶಿವಮೊಗ್ಗ: ಸಂಸದ ಬಿ.ವೈ. ರಾಘವೇಂದ್ರ ನಗರದ ವಿವಿಧೆಡೆ ಮಿಂಚಿನ ಸಂಚಾರ ನಡೆಸಿ ಭರ್ಜರಿ ಪ್ರಚಾರ ನಡೆಸಿದರು.
ನಗರದ ಬೊಮ್ಮನಕಟ್ಟೆ ಆಶ್ರಯ ಬಡಾವಣೆ, ಕೋರ್ಟ್ ಆವರಣದಲ್ಲಿರುವ ಬಾರ್ ಅಸೋಸಿಯೇಷನ್, ಸೋಮಿನಕೊಪ್ಪ ಶಾರದಮ್ಮ ಬಡಾವಣೆ, ಸೇರಿದಂತೆ ವಿವಿಧೆಡೆ ಪ್ರಚಾರ ನಡೆಸಿ ಮತಯಾಚನೆ ಮಾಡಿದರು.
ಈ ಸಂದರ್ಭದಲ್ಲಿ ಮಾತನಾಡಿದ ಅವರು, ಅನೇಕ ಹಿರಿಯರು ನನ್ನನ್ನು ಆಶೀರ್ವದಿಸಿದ್ದಾರೆ. ವಕೀಲರ ಸಂಘಕ್ಕೆ ಭೇಟಿ ನೀಡಿದಾಗ ಕೂಡ ಅಭೂತಪೂರ್ವ ಬೆಂಬಲ ವ್ಯಕ್ತವಾಗಿದೆ. ರಾಷ್ಟ್ರೀಯತೆಗಾಗಿ ನಡೆಯುತ್ತಿರುವ
ಈ ಚುನಾವಣೆಯಲ್ಲಿ ಮೋದಿ ಕೈ ಬಲಪಡಿಸಲು ಎಲ್ಲರೂ ಮತದಾನ ಮಾಡಬೇಕು. ಮೊದಲ ಹಂತದ ಮತದಾನದಲ್ಲಿ ಕೇವಲ ಶೇ. 60 ರಷ್ಟು ಮತದಾನ ಆಗಿದೆ. ಬಿಸಿಲಿನ ತಾಪ ಇರಬಹುದು. ಎಲ್ಲಾ ಮತದಾರರು ಮತದಾನ ಮಾಡುವಂತೆ ವಿನಂತಿಸುತ್ತೇನೆ ಎಂದರು.
ಈ ಸಂದರ್ಭದಲ್ಲಿ ಶಾಸಕ ಎಸ್.ಎನ್. ಚನ್ನಬಸಪ್ಪ, ಮಾಜಿ ಪಾಲಿಕೆ ಸದಸ್ಯರಾದ ಆಶಾಚಂದ್ರಪ್ಪ,, bjp ಚಂದ್ರಪ್ಪ, ವಕೀಲರ ಸಂಘದ ಅಧ್ಯಕ್ಷ ಶಿವಕುಮಾರ್, ವಿದ್ಯಾರಾಣಿ, ಬಸಪ್ಪಗೌಡ, ಎಸ್. ದತ್ತಾತ್ರಿ, ಮೊದಲಾದವರಿದ್ದರು.
