ಮಾಗಿಯ ಚಳಿಯ ನಡುವೆ ಶಿವಮೊಗ್ಗ ಜಿಲ್ಲೆಯಲ್ಲಿ ಮಳೆ ಸಿಂಚನ

ಶಿವಮೊಗ್ಗ : ನಿನ್ನೆ ತುಂತುರು ಮಳೆ ಜಿಲ್ಲೆಯಲ್ಲಿ ಅಲ್ಲಲ್ಲಿ ಸುರಿದಿತ್ತು. ಇಂದು ಮಾಗಿಯ ಚಳಿಯ ನಡುವೆಯೂ ವರುಣ ಅಬ್ಬರಿಸಿದ್ದಾನೆ. ಇಂದು ಸಹ ಮಳೆಯ ಸಿಂಚನವಾಗಿದೆ.

ಮಧ್ಯಾಹ್ನದಿಂದಲೇ ಶಿವಮೊಗ್ಗ ನಗರ ಸೇರಿದಂತೆ ಸಾಗರ, ಸೊರಬ, ಹೊಸ ನಗರ, ತೀರ್ಥಹಳ್ಳಿಯಾದ್ಯಂತ ಮಳೆ ಅಬ್ಬರಿಸಿದೆ. ಸಾಗರ ಹಾಗೂ ಸೊರಬ ತಾಲೂಕಿನ ಅನೇಕ ಪ್ರದೇಶಗಳಲ್ಲಿ ಮಳೆ ಅಬ್ಬರಿಸಿದೆ.
ಮಾಗಿಯ ಚಳಿಯಲ್ಲೂ ಸುರಿದಂತ ಮಳೆಯಿಂದಾಗಿ ನಗರದ ಜನರಿಗೆ ಕೊಂಚ ಚಳಿಯ ವಾತಾವರಣ ಕಡಿಮೆಗೊಂಡಿದೆ. ಜಿಲ್ಲೆಯ ಹಲವೆಡೆ ಮೋಡಕವಿದ ವಾತಾವರಣದ ನಂತ್ರ ಸುರಿದಂತ ಮಳೆಯಿಂದಾಗಿ ಶುಂಠಿ, ಭತ್ತದ ಬೆಳೆ ಸೇರಿದಂತೆ ವಿವಿಧ ಬೆಳೆ ಬೆಳೆದಿದ್ದಂತ ರೈತರು ಸಂಕಷ್ಟಕ್ಕೆ ಸಿಲುಕುವಂತಾಗಿದೆ

.