ಶಿವಮೊಗ್ಗ, ಮಾ.23:
ನೀವೇನು ಕುಡುದು ಮಾತಾಡ್ತೀರಾ? ಸುಮ್ಮನೆ ಗೊತ್ತಿಲ್ಲದೆ ಸುಳ್ಳು ಸುದ್ದಿಯನ್ನು ಯಾಕೆ ಹಬ್ಬಿಸ್ತೀರಿ ಎಂದು ಖಾಸಗಿ ದೃಶ್ಯ ಮಾಧ್ಯಮವೊಂದಕ್ಕೆ ಉಪಮುಖ್ಯಮಂತ್ರಿ ಕೆ ಎಸ್ ಈಶ್ವರಪ್ಪ ತೀರಾ ಒರಟಾಗಿ ತಿಳಿಸಿದರು.
ನೀವೇನು ಕುಡಿದಿದ್ದೀರಾ?, ಕುಡಿದು ಮಾತನಾಡುತ್ತೀರಾ ಎಂದು ಅತ್ಯಂತ ಆಕ್ರೋಶದಿಂದ ಮಾತನಾಡಿದರು.
ಇಂದು ಮಧ್ಯಾಹ್ನ ಸುದ್ದಿಗೋಷ್ಠಿಯ ಮುನ್ನ ಮಾಧ್ಯಮದವರು ಸೇರಿದಾಗ ಆ ಚಾನೆಲ್ ನವರು ಕುಡಿದಿದ್ದಾರಾ? ಕುಡಿದು ಮಾತಾಡ್ತಾರಾ? ನನಗೆ ಯಾರು ಫೋನ್ ಮಾಡಿಲ್ಲ ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷ ನಡ್ದಾ ಹಾಗೂ ಗೃಹ ಸಚಿವ ಅಮಿತ್ ಶಾ ನನ್ನ ಜೊತೆ ಮಾತಾಡಿದ್ದಾರಂತೆ. ನಾನು ಸಕಾರಾತ್ಮಕವಾಗಿ ಬಂಡಾಯದಿಂದ ಸ್ಪರ್ಧೆ ಇಳಿಯುವುದನ್ನು ನಿರಾಕರಿಸುತ್ತೇನೆ ಎನ್ನುತ್ತಿದ್ದಾರೆ.
ನನ್ನ ಬಗ್ಗೆ ಸುಳ್ಳು ಮಾಹಿತಿ ಹೇಳಲು ಇವರಾರು? ನನಗೆ ಯಾರೂ ಫೋನ್ ಮಾಡಿಲ್ಲ. ನಾನು ಯಾರ ಮಾತನ್ನು ಕೇಳಿಲ್ಲ ಎಂದರು.
ಬ್ರಹ್ಮ ಬಂದು ನೀವು ನಿಲ್ಲಬೇಡಿ ಎಂದರೂ ಸಹ ಕೇಳುವುದಿಲ್ಲ. ನಾನು ಚುನಾವಣೆಗೆ ಸ್ಪರ್ಧಿಸುವುದು ಖಚಿತ. 28 ಲೋಕಸಭಾ ಕ್ಷೇತ್ರಗಳಲ್ಲಿ 27 ಕಡೆ ಬಿಜೆಪಿ ಗೆಲ್ಲುತ್ತದೆ. ಇಲ್ಲಿ ನಾನು ಗೆದ್ದು ಮೋದಿ ಅವರ ಹತ್ತಿರ ಹೋಗುತ್ತೇನೆ ಎಂದು ಹೇಳಿದರು.
