ಶಿವಮೊಗ್ಗ,ಮಾ.೨೨: ತಮಿಳು ಸೇವಾ ಸಂಘದ ವತಿಯಿಂದ ಮಾ.೨೪ರ ಸಂಜೆ ೪ಕ್ಕೆ ಕುವೆಂಪು ರಂಗಮಂದಿರದಲ್ಲಿ ಹಾಸ್ಯ ಹರಟೆಯ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ.
ಮನೆಗೂ ಮತ್ತು ನಾಡಿಗೂ ಸಂತೋಷ ಕೊಡುವವರು ಪುರಷರಾ ? ಮಹಿಳೆಯರಾ? ವಿಷಯ ಕುರಿತು ಈ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿದೆ ಎಂದು ಸಂಘದ ಗೌರವಾಧ್ಯಕ್ಷ ಪಿ.ವೆಂಕಟೇಶ್ ಇಂದು ಮೀಡಿಯಾ ಹೌಸ್‌ನಲ್ಲಿ ನಡೆದ ಪತ್ರಿಕಾಗೋಷ್ಠಿಯಲ್ಲಿ ತಿಳಿಸಿದರು.
ಸನ್ ಟಿವಿ ಮತ್ತು ವಿಜಯ್ ಟಿವಿಯ ಪ್ರಖ್ಯಾತ ಹರಟೆಯ ಕಾರ್ಯಕ್ರಮದ ನಿರೂಪಕರಾದ ಮಧುರೈ
ಹಾಗೂ ಬಿಗ್ ಬಾಸ್ ಖ್ಯಾತಿಯ ಮತ್ತು ಚಿತ್ರರಂಗದ ನಟಿ ಅನ್ನಭಾರತಿ ಮತ್ತು ಸಂಗಡಿಗರಿಂದ ವಿಭಿನ್ನ ಹಾಸ್ಯ ಹರಟೆ ಮತ್ತು ಹಾಸ್ಯ ಮಿಮಿಕ್ರಿ ಕಾರ್ಯಕ್ರಮ ನಡೆಯಲಿದೆ ಎಂದರು.
ಸಮಸ್ತ ಕಲಾಭಿಮಾನಿಗಳು ಅತಿ ಹೆಚ್ಚಿನ ಸಂಖ್ಯೆಯಲ್ಲಿ ಪಾಲ್ಗೊಂಡು ಈ ಕಾರ್ಯಕ್ರಮವನ್ನು ಯಶಸ್ವಿಗೊಳಿಸಬೇಕು ಎಂದು ಮನವಿ ಮಾಡಿಕೊಂಡರು.
ಪತ್ರಿಕಾಗೋಷ್ಠಿಯಲ್ಲಿ ಸಂಘದ ಅಧ್ಯಕ್ಷ ಎಸ್.ಮಂಜುನಾಥ್, ಪ್ರಮುಖರಾದ ವಿ.ಪರಶುರಾಂ, ಎ.ಎಂ.ಮಂಜುನಾಥ್, ಡಿ.ಕಾಮರಾಜ್, ಎ.ಮೂರ್ತಿ, ಜಿ.ಮನೋಹರ್, ಎ. ಮುನಿಸ್ವಾಮಿ, ಆರ್.ಶೇಖರ್, ದೊರೈಸ್ವಾಮಿ, ಎಸ್.ಕೃಷ್ಣಮೂರ್ತಿ ಹಾಗೂ ಇನ್ನಿತರರು ಉಪಸ್ಥಿತರಿದ್ದರು.
