ಶಿವಮೊಗ್ಗ: ಲೋಕಸಭೆ ಚುನಾವಣೆ ಘೋಷಣೆಯಾದ ನಂತರ ಪ್ರಧಾನಿ ಮೋದಿ ಶಿವಮೊಗ್ಗದಿಂದ ಭರ್ಜರಿ ಪ್ರಚಾರಕ್ಕೆ ಚಾಲನೆ ನೀಡಲಿರುವ ಹಿನ್ನಲೆಯಲ್ಲಿ ಸಮಾವೇಶದ ಸ್ಥಳ ನಗರದ ಅಲ್ಲಮ ಪ್ರಭು ಮೈದಾನಕ್ಕೆ
ಜನಸಾಗರವೇ ಹರಿದು ಬಂದಿದೆ. ಲಕ್ಷಾಂತರ ಜನ ಸಮಾವೇಶದಲ್ಲಿ ಭಾಗವಹಿಸಿದ್ದಾರೆ.
ಮೋದಿ ನೋಡಲು ಜನ ಕಾತರತೆ ವ್ಯಕ್ತಪಡಿಸುತ್ತಿರುವ ದೃಶ್ಯ ಕಂಡು ಬಂದಿದೆ. ಮೋದಿಯೇ ನಮ್ಮ ದೇವರು ಎಂದು ಬಿಜೆಪಿ ಕಾರ್ಯಕರ್ಯರು ಹೇಳುವ ದೃಶ್ಯಗಳು ಕಂಡು ಬಂದಿವೆ. ನಮ್ಮ ಮಕ್ಕಳು ನಿನ್ನೆಯಿಂದಲೆ ಮೋದಿಯವರನ್ನು
ನೋಡಲು ಕಾತುರತೆಯಿಂದ ಕಾಯುತ್ತಿದ್ದಾರೆ ಎಂದು ಮಹಿಳೆಯೊಬ್ಬರು ಹೇಳಿದ್ದಾರೆ.
ಮೈದಾನದಲ್ಲಿ ಮೋದಿ, ಮೋದಿ, ಬೋಲೋ ಭಾರತ್ ಮಾತಾಕೀ ಎಂದು ಘೋಷಣೆ ಮುಗಿಲು ಮುಟ್ಟಿದ್ದು, ಮೋದಿ ಆಗಮನಕ್ಕೆ ಕಾತರ ವ್ಯಕ್ತವಾಗಿದೆ. ಪೊಲೀಸ್ ಸಿಬ್ಭಂದಿ ಸಾಲು ಸಾಲಾಗಿ ತಪಾಸಣೆ ನಡೆಸಿ ಒಳಗೆ ಬಿಡುತ್ತಿದ್ದು,
ಎಲ್ಲೆಡೆ ಭದ್ರತಾ ಸಿಬ್ಭಂಧಿಗಳ ಕಣ್ಗಾವಲು ಹಾಕಲಾಗಿದೆ.
