ಶಿವಮೊಗ್ಗ ,ಡಿ.17:
ತಾಲೂಕಿನಲ್ಲಿ ಮತ್ತೊಂದು ತಲೆತಗ್ಗಿಸುವ ಘಟನೆ-ಮಾವನಿಂದಲೇ ಸೊಸೆಯ ಮೇಲೆ ನಡೆದಿದೆ.
ಮದುವೆಯಾಗಿ ವರ್ಷವೂ ಕಳೆದಿಲ್ಲ ಸೊಸೆಯ ಮೇಲೆ ಮಾವನಿಂದಲೇ ಅತ್ಯಾಚಾರ ನಡೆದಿರುವ ಘಟನೆ ವರದಿಯಾಗಿದೆ.
ಪತಿ ಜಮೀನಿಗೆ ಕೆಲಸಕ್ಕೆ ತೆರಳಿದ್ದಾಗ ಹಿಂಬಾಗಿಲಿನಿಂದ ಬಂದು ಅತ್ಯಾಚಾರ ಎಸಗಿರುವುದಾಗಿ ಸೊಸೆ ಆರೋಪಿಸಿದ್ದು ವೈದ್ಯಕೀಯ ವರದಿ ನಂತರ ಈ ಆರೋಪ ಸತ್ಯವಾಗಿದೆ ಎಂದು ತಿಳಿದುಬಂದಿದೆ. ಈ ಹಿನ್ನಲೆಯಲ್ಲಿ ಆರೋಪಿ ಮಾವನನ್ನ ಬಂಧಿಸಲಾಗಿದೆ.
ಶಿವಮೊಗ್ಗದ ಕುಂಸಿ ಠಾಣ ವ್ಯಾಪ್ತಿಯಲ್ಲಿ್ ನಡೆದಿದೆ. ಆರೋಪಿ ರಂಗಪ್ಪ (65) ಪೊಲೀಸರ ವಶಕ್ಕೆ ಪಡೆದುಕೊಳ್ಳಲಾಗಿದೆ. ಕಳೆದ ಎಂಟು ತಿಂಗಳ ಹಿಂದೆ ಆರೋಪಿಯ ಮಗ ಈಶ್ವರ್ ಗೆ ಮದುವೆಯಾಗಿತ್ತು.
ಮದುವೆಯಾಗಿ 8 ತಿಂಗಳಲ್ಲಿ ಈ ಘಟನೆ ನಡೆದಿರುವುದು ಇಲ್ಲಿ ಕುಟುಂಬಸ್ಥರು ತಲೆತಗ್ಗಿಸುವಂತಾಗಿದೆ. ಘಟನೆಯ ನಂತರ ವಿವಾಹಿತೆ ಮಹಿಳೆಯನ್ನ ಆಕೆಯ ಒಪ್ಪಿಗೆ ಮೇರೆಗೆ ಅವರ ತಂದೆ ತಾಯಿಯೊಂದಿಗೆ ಕಳುಹಿಸಿಕೊಡಲಾಗಿದೆ.
ಮೊನ್ನೆ ಮೆಗ್ಗಾನ್ ನಲ್ಲಿ ತಾಯಿಯ ಚಿಕಿತ್ಸೆಗಾಗಿ ಬಂದಿದ್ದ ಅಪ್ರಾಪ್ತೆ ಬಾಲಕಿಯ ಮೇಲೆ ನಡೆದ ಅತ್ಯಾಚಾರ ಇನ್ನೂ ಮರೆಯಾಗುವ ಮುಂಚೆ ಕುಟುಂಬಸ್ಥರಿಂದ ನಡೆದಿರುವ ಘಟನೆ ಎಲ್ಲರ ತಲೆತಗ್ಗಿಸುವಂತೆ ಮಾಡಿದೆ.
