ಇಬ್ಬರು ಅಂತರಜಿಲ್ಲಾ ದ್ವಿಚಕ್ರ ವಾಹನ ಕಳ್ಳರ ಬಂಧಿಸಿರುವ ಭದ್ರಾವತಿ ತಾಲ್ಲೂಕಿನ ಪೊಲೀಸರ ತಂಡ, ಆರೋಪಿಗಳಿಂದ ಶಿವಮೊಗ್ಗ ಹಾಗೂ ಚಿಕ್ಕಮಗಳೂರು ಜಿಲ್ಲೆಯಲ್ಲಿ ಕಳವು ಮಾಡಿದ್ದ ೧೨ ಬೈಕ್‌ಗಳನ್ನು ವಶಪಡಿಸಿಕೊಂಡಿದೆ.
ಭದ್ರಾವತಿ ತಾಲ್ಲೂಕಿನಲ್ಲಿ ನಿರಂತರವಾಗಿ ನಡೆಯು ತ್ತಿದ್ದ ಬೈಕ್ ಕಳ್ಳತನ ಪ್ರಕರಣಗಳ ಹಿನ್ನೆಲೆಯಲ್ಲಿ ಎಸ್ಪಿ ಜಿ.ಕೆ.ಮಿಥುನ್‌ಕುಮಾರ್ ಆರೋಪಿಗಳ ಪತ್ತೆಗೆ ಭದ್ರಾವತಿ ನಗರ ವೃತ್ತದ ಇನ್‌ಸ್ಪೆಕ್ಟರ್ ಶ್ರೀಶೈಲ ಕುಮಾರ್, ಗ್ರಾಮಾಂತರ ವೃತ್ತದ ಇನ್‌ಸ್ಪೆಕ್ಟರ್ ಜಗದೀಶ ಹಂಚಿನಾಳ,
ಪೇಪರ್ ಟೌನ್ ಠಾಣೆ ಇನ್‌ಸ್ಪೆಕ್ಟರ್ ನಾಗಮ್ಮ, ಹೊಳೆಹೊನ್ನೂರು ಠಾಣೆ ಇನ್‌ಸ್ಪೆಕ್ಟರ್ ಲಕ್ಷ್ಮಿಪತಿ ನೇತೃತ್ವದಲ್ಲಿ ಪಿಎಸ್‌ಐಗಳಾದ ಸುರೇಶ, ರಮೇಶ, ಎಎಸ್‌ಐ ಚಂದ್ರಶೇಖರ್ ನೇತೃತ್ವದಲ್ಲಿ ವಿಶೇಷ ತಂಡ ರಚಿಸಿದ್ದರು. ಈ ತಂಡ ಭದ್ರಾವತಿ ತಾಲ್ಲೂಕಿನ ಸಿದ್ದಾಪುರದ ಕರೀಂ ಅಲಿಯಾಸ್ ಮುನ್ನಾ (೨೭) ಹಾಗೂ ಅರ್ಷಲ್ ಪಾಶಾ ಅಲಿಯಾಸ್ ಅರ್ಷಿಲ್ (೩೪) ಎಂಬುವವ ರನ್ನು
ಡಿ.೧೬ರಂದು ಬಂಧಿಸಿದೆ. ಆರೋಪಿಗಳು ಭದ್ರಾವತಿಯ ನ್ಯೂಟೌನ್ ಪೊಲೀಸ್ ಠಾಣೆಯಲ್ಲಿ ಕಳ್ಳತನ ಮಾಡಿದ್ದ ೭ ಬೈಕ್, ಹೊಸಮನೆ ಠಾಣೆ ವ್ಯಾಪ್ತಿಯಲ್ಲಿ ೨, ಪೇಪರ್ ಟೌನ್ ೧, ಶಿವಮೊಗ್ಗದ ದೊಡ್ಡಪೇಟೆ ೧, ಚಿಕ್ಕಮಗಳೂರು ಜಿಲ್ಲೆ ತರೀಕೆರೆ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ೧ ಸೇರಿದಂತೆ ೫,೨೦ ಲಕ್ಷ ಮೌಲ್ಯದ ಒಟ್ಟು ೧೨ ದ್ವಿ ಚಕ್ರ ವಾಹನಗಳನ್ನು ವಶಪಡಿಸಿಕೊಳ್ಳಲಾಗಿದೆ.
