ಶಿವಮೊಗ್ಗ: ಅಯ್ಯಪ್ಪ ಪುಸ್ತಕ ಬಿಡುಗಡೆ ಹಾಗೂ ಪಡಿ ಪೂಜೆ, ಎಲ್ಲಿ ಏನು ಹೇಗೆ ಗೊತ್ತಾ?

ಶಿವಮೊಗ್ಗ, ಡಿ.11:
ಇಲ್ಲಿನ ಶ್ರೀ ರೋಜಾ ಗುರೂಜಿ ಶಿಷ್ಯ ವೃಂದ ಹಾಗೂ ಶ್ರೀ ಶಬರೀಶ್ ಗುರುಸ್ವಾಮಿ ಶಿಷ್ಯ ವೃಂದದಿಂದ ಚೆನ್ನೈನಲ್ಲಿ ವಿಶೇಷ ಅಯ್ಯಪ್ಪ ಪಡಿಪೂಜೆ ಭಕ್ತಿಯಿಂದ ನೆರವೇರಿತು.
ಇದೇ ಸಂದರ್ಭದಲ್ಲಿ ಶಬರೀಶ್ ಸ್ವಾಮಿ ಹೊರದೇಶದಿಂದ ಅಯ್ಯಪ್ಪ ಸ್ವಾಮಿಯ ಬಗ್ಗೆ ಬರೆದ ‘ ಬಿಯಾಂಡ್ ದಿ ಹಿಲ್ಸ್ ‘ ಪುಸ್ತಕವನ್ನು ಶ್ರೀ ದ್ರಾವಿಡ ಮಾಯೈ ಸುಬ್ಬು ರವರು ಬಿಡುಗಡೆ ಮಾಡಿದರು.

ಈ ಪುಸ್ತಕದ ಕುರಿತು ದ್ರಾವಿಡ ಮಾಯೈ ಸುಬ್ಬು ರವರು ಶಬರೀಶ್ ಗುರುಸ್ವಾಮಿಯ ಬರಹವನ್ನು ಹಾಗೂ ಅಂತರಾಷ್ಟ್ರೀಯ ಮಟ್ಟದಲ್ಲಿ ಅವರು ಸಲ್ಲಿಸಿರುವ ಸೇವೆಯನ್ನು ಅಭಿನಂದಿಸಿದರು. ತಮಿಳುನಾಡಿನಲ್ಲಿ ಹೆಸರಾಂತ ಗುರುಸ್ವಾಮಿಗಳು ಹಾಗೂ ಆಂಧ್ರಪ್ರದೇಶ ಕರ್ನಾಟಕ ದಿಂದ ಬಂದ ಹಲವಾರು ಅಯ್ಯಪ್ಪ ಭಕ್ತಾದಿಗಳು ಉಪಸ್ಥಿತರಿದ್ದರು.
ಶಬರೀಶ್ ಸ್ವಾಮಿಯವರು ಈ ಸಂದರ್ಭದಲ್ಲಿ ಪುಸ್ತಕದ ಒಳನೋಟ, ಅಯ್ಯಪ್ಪನ ಮಹಿಮೆ, ಹಾಗೂ ಶಿವಮೊಗ್ಗದಲ್ಲಿ ಅಯ್ಯಪ್ಪ ಭಕ್ತಾದಿಗಳು ನಡೆಸುತ್ತಿರುವ ಸೇವೆಯನ್ನು ಎಲ್ಲರಿಗೂ ವಿವರಿಸಿದರು.
ಇದೇ ಸಂದರ್ಭದಲ್ಲಿ ಚೆನ್ನೈ ಗುರೂಜಿ ಶಿಷ್ಯ ವೃಂದದವರು ಗುರುಗಳ ಸೇವೆಯ ಸಂಪರ್ಕವನ್ನು ತೊಟ್ಟು ಮುಂಬರುವ ಕಾರ್ಯಕ್ರಮದ ಬಗ್ಗೆ ವಿವರಿಸಿದರು.
ಕಾರ್ಯಕ್ರಮದಲ್ಲಿ , ಕುಮಾರಿ ಜೈವಂತಿ ರವರು ಭರತನಾಟ್ಯವನ್ನು ಪ್ರದರ್ಶಿಸಿದರು.
ಕಾರ್ಯಕ್ರಮದಲ್ಲಿ ಕರ್ನಾಟಕ, ಆಂಧ್ರ ಹಾಗೂ ತಮಿಳುನಾಡಿನಿಂದ ಪಾಲ್ಗೊಂಡ ಶಿವಗುರುಸ್ವಾಮಿ, ನವೀನ್ ಸ್ವಾಮಿ ಹಾಗೂ ಕೃಷ್ಣಸ್ವಾಮಿ, ಶರತ್ ಸ್ವಾಮಿ ನಿಖಿಲ್ ಸ್ವಾಮಿ, ವೀರೇಶ್ ಸ್ವಾಮಿ, ಅಂಕಿತ್ ಸ್ವಾಮಿ, ನವೀನ್ ಸ್ವಾಮಿ ರವರನ್ನು ಸನ್ಮಾನಿಸಲಾಯಿತು.
ಎಲ್ಲಾ ಭಕ್ತಾದಿಗಳ ವತಿಯಿಂದ ಶಬರೀಶ್ ಸ್ವಾಮಿ ಅವರಿಗೆ ಪುಷ್ಪಾಲಂಕರಿಸಿದ ಕಿರೀಟವನ್ನು ತೊಡಿಸಿ ಗೌರವಿಸಲಾಯಿತು. ವಿಶೇಷ ಪಡಿ ಪೂಜೆಯನ್ನು ವಿತ್ತೋಭ ಭಜನಾ ಮಂಡಳಿ ಯವರಿಂದ ನಡೆಯಿತು.