ಜೆಡಿಎಸ್ ನಗರಾಧ್ಯಕ್ಷರಿಗೆ ನೇಮಕಗೊಂಡಿರುವ ದೀಪಕ್‌ಸಿಂಗ್‌ರವರ ಪದಗ್ರಹಣ ಸಮಾರಂಭ ಡಿ.೦೮ರಂದು ಜೆಡಿಎಸ್ ಕಚೇರಿಯ ಆವರಣದಲ್ಲಿ ನಡೆಯಲಿದೆ
.
ಇಂದು ಬೆಳಗ್ಗೆ ಪತ್ರಿಕಾಗೋಷ್ಠಿ ಯಲ್ಲಿ ವಿವರಣೆ ನೀಡಿದ ದೀಪಕ್ ಸಿಂಗ್, ಅಂದು ಬೆಳಿಗ್ಗೆ ೧೧ಗಂಟೆಗೆ ವಿನೋಬನಗರದಿಂದ ಜೆಡಿಎಸ್ ಕಚೇರಿಯವರೆಗೆ ಬೈಕ್ ರ‍್ಯಾಲಿ ಆಯೋಜಿಸಲಾಗಿದೆ. ನಂತರ ೧೨ ಗಂಟೆಗೆ ನಡೆಯುವ ಪದಗ್ರಹಣ ಸಮಾರಂಭದಲ್ಲಿ ಜೆಡಿಎಸ್‌ನ ರಾಜ್ಯ ಸಂಚಾಲಕ
ಹಾಗೂ ಮಾಜಿ ಶಾಸಕ ವೈ.ಎಸ್.ವಿ. ದತ್ತಾ, ಶಾಸಕಿ ಶಾರದ ಪೂರ‍್ಯಾನಾಯ್ಕ್ ಮಾಜಿ ಶಾಸಕ ಕೆ.ಬಿ. ಪ್ರಸನ್ನಕುಮಾರ್, ಜಿಲ್ಲಾಧ್ಯಕ್ಷ ಕಡಿದಾಳ್ ಗೋಪಾಲ್ ಸೇರಿದಂತೆ ಪಕ್ಷದ ಎಲ್ಲಾ ಮುಖಂಡರು ಹಾಗೂ ಕಾರ್ಯಕರ್ತರು ಭಾಗವಹಿಸುವರು ಎಂದರು.
ಮುಂಬರುವ ಮಹಾನಗರಪಾಲಿಕೆ ಚುನಾವಣೆ ಯಲ್ಲಿ ಎಲ್ಲಾ ವಾರ್ಡ್‌ಗಳಲ್ಲಿಯೂ ಅಭ್ಯರ್ಥಿಗಳನ್ನು ಕಣಕ್ಕಿಳಿಸಲಾಗುವುದು. ಆಕಸ್ಮಾತ್ ಬಿಜೆಪಿಯೊಂದಿಗೆ ಹೊಂದಾಣಿಕೆ ಮಾಡಿಕೊಂಡರೇ ಆ ಸಂದರ್ಭದಲ್ಲಿ ಮುಖಂಡರು ಹೇಗೆ ತೀರ್ಮಾನಿಸುತ್ತಾರೋ ಹಾಗೆ ಆಗುತ್ತದೆ ಎಂದು ಪ್ರಶ್ನೆಯೊಂದಕ್ಕೆ ಉತ್ತರಿಸಿದರು.
ಪತ್ರಿಕಾಗೋಷ್ಠಿಯಲ್ಲಿ ಪ್ರಮುಖ ರಾದ ರಾಮಕೃಷ್ಣ, ಬೊಮ್ಮನಕಟ್ಟೆ ಮಂಜು, ಗಂಧದ ಮನೆ ನರಸಿಂಹ, ಸಂಗಯ್ಯ, ಗೀತಾಸತೀಶ್, ಎಸ್.ಟಿ. ಪುಷ್ಪ, ಟಿ.ಎಸ್. ಜಯಮ್ಮ, ಬಿ.ಎಸ್. ವಿನಯ್, ಮುಜೀಬ್, ರಘು, ರವೀಶ್ ಗೌಡ ಮುಂತಾದವರಿದ್ದರು.
