ಶಿವಮೊಗ್ಗ: ಸಂಸದೆ ಶೋಭಾ ಕರಂದ್ಲಾಜೆ ಅವರು ಬಣ್ಣ ಬದಲಿಸುವ ಗೊಸುಂಬೆ ಬುದ್ದಿಯನ್ನು ಬಿಡಬೇಕು ಎಂದು ಕೆಪಿಸಿಸಿ ಕಾರ್ಯದರ್ಶಿ, ಸಾಮಾಜಿಕ ಜಾಲತಾಣ ವಿಭಾಗದ ಸೌಗಂಧಿಕಾ ಹೇಳಿದ್ದಾರೆ.
ಅವರು ಪತ್ರಿಕಾ ಹೇಳಿಕೆಯಲ್ಲಿ ಸಂಸದೆ ಶೋಭಾ ಕರಂದ್ಲಾಜೆ ಅವರು ಅನ್ನ ನೀಡುವ ರೈತರನ್ನು ಭಯೋತ್ಪಾದಕರು ಎಂದು ಕರೆದಿದ್ದು, ಅದೇ ಚಿಕ್ಕಮಗಳೂರು, ಉಡುಪಿ ಜಿಲ್ಲೆಯ ರೈತರ ಮತದಿಂದ ಗೆದ್ದು ಸಂಸದೆ ಯಾಗಿದ್ದಾರೆಂಬುದು ಮರೆತಂತಿದೆ ಎಂದು ಹೇಳಿದ್ದಾರೆ.
ತನ್ನ ಕ್ಷೇತ್ರದಲ್ಲಿ ಕಾಫಿ ಬೆಳೆ ನಷ್ಟವಾದಗ, ಅಡಿಕೆ ಬೆಳೆಗೆ ಬೆಲೆ ಸಿಗದೆ ಇದ್ದಾಗ, ಬೆಳೆ ನಾಶವಾದಗ, ರೈತರ ಸಾಲ ಮನ್ನಾ ಮಾಡದಿರುವ ಬಗ್ಗೆ ತುಟಿ ಬಿಚ್ಚದ ಸಂಸದೆ ಶೋಭ ಕರಂದ್ಲಾಜೆ. ಅನ್ನದಾತರನ್ನು ಭಯೋತ್ಪಾಕರು ಎಂದು ಕರೆದಿರುವುದು ಅವರ ಸಾಮಾಜಿಕ ಕಳಕಳಿ ಹಾಗೂ ವಿವೇಚನಾ ಮಟ್ಟ ಅರ್ಥವಾಗುತ್ತದೆ ಎಂದು ತಿಳಿಸಿದ್ದಾರೆ.
ಈಗಾಗಲೇ ಜನರು, ರೈತರು ನೊಂದಿದ್ದಾರೆ. ಹೀಗೆ ಮುಂದುವರೆದಲ್ಲಿ ಜನರು ಇವರಿಗೆ ತಕ್ಕ ಪಾಠ ಕಲಿಸಲಿದ್ದಾರೆ ಎಂದು ಪತ್ರಿಕಾ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
