ಕಾಲ್ಪನಿಕ ಚಿತ್ರ
ಶಿವಮೊಗ್ಗ, ನ.27:
ಶಿವಮೊಗ್ಗ ಹೊರ ವಲಯದ ಸೋಮಿನಕೊಪ್ಪ ಭೋವಿ ಕಾಲೋನಿ ಸ್ಮಶಾನ (ಮಲ್ಲೇಶ್ವರ ಲೇ ಔಟ್) ದ ಬಳಿ ಇಂದು ಬೆಳಗ್ಗೆ ಚಿರತೆಯೊಂದು ಕಾಣಿಸಿಕೊಂಡಿದೆ ಎಂದು ಹಲವರು ತಿಳಿಸಿದ್ದಾರೆ.
ಬೆಳಗ್ಗೆ 10:30 ಹೊತ್ತಿಗೆ ಆ ಕಡೆಯಿಂದ ಬರುತ್ತಿದ್ದಾಗ ಚಿರತೆಯೊಂದು ಕಾಣಿಸಿಕೊಂಡಿದ್ದು, ಭಯಭೀತರಾಗಿ ಓಡಿ ಬಂದಿರುವುದಾಗಿ ಸ್ಥಳೀಯರಾದ ಹರೀಂದ್ರ, ಪ್ರಜ್ವಲ್ ಹಾಗೂ ಇತರರು ತಿಳಿಸಿದ್ದಾರೆ. ಇದನ್ನು ರಾತ್ರಿ ವೈದ್ಯರೊಬ್ಬರು ನೋಡಿದ್ದಾರೆಂದು ಹೇಳಲಾಗಿದೆ.
ಇತ್ತೀಚೆಗಷ್ಟೇ ಸೋಮಿಯಕೊಪ್ಪ- ಗೆಜ್ಜೆ ಹಳ್ಳಿ ಮಾರ್ಗಮಧ್ಯದ ಡಾಕ್ಟರ್ ಕಾಲೋನಿ ಹಿಂಭಾಗದಲ್ಲಿ ಚಿರತೆ ಕಾಣಿಸಿಕೊಂಡ ಬಗ್ಗೆ ಅಭಿಪ್ರಾಯ ವ್ಯಕ್ತಪಡಿಸಿದ್ದರು. ಈಗ ಮತ್ತೆ ಸೋಮಿನಕೊಪ್ಪ ಬೋವಿ ಕಾಲೋನಿಯಲ್ಲಿ ಇಂತಹ ವಾತಾವರಣ ಸೃಷ್ಟಿ ಆಗಿರುವುದರಿಂದ ಜನ ಭಯಭೀತರಾಗಿದ್ದಾರೆ. ಕೂಡಲೇ ಅರಣ್ಯ ಇಲಾಖೆಯವರು ಇತ್ತ ಬರಬೇಕೆಂದು ಸ್ಥಳೀಯರು ಒತ್ತಾಯಿಸಿದ್ದಾರೆ.
