ಭದ್ರಾವತಿ,ನ.04:
ಎಂಟು ಯುವಕರ ತಂಡವೊಂದು ಕಾರಿನಲ್ಲಿ ಗೋವಾದ ಪ್ರವಾಸ ಮುಗಿಸಿ ಬೆಂಗಳೂರಿಗೆ ವಾಪಸಾಗುತ್ತಿದ್ದಾಗ ಭದ್ರಾವತಿ ಬೈಪಾಸ್ ರಸ್ತೆಯ ಸಿದ್ದಾಪುರ ಬಳಿ ಅಫಘಾತಕ್ಕೀಡಾಗಿ ಇಬ್ಬರು ಸಾವುಕಂಡು ಉಳಿದವರು ಗಂಭೀರ ಗಾಯಗೊಂಡ ಘಟನೆ ನಿನ್ನೆ ಮದ್ಯರಾತ್ರಿ 11.50ಕ್ಕೆ ನಡೆದಿದೆ.
ಬೆಂಗಳೂರಿನ ಸುಮಾರು 18 ರಿಂದ 25 ವರ್ಷ ವಯಸ್ಸಿನ ಯುವಕರ ತಂಡ ಗಾಡಿನ ಕಾರಿನಲ್ಲಿ ಗೋವಾಗೆ ಹೋಗಿ ಪ್ರವಾಸ ಮುಗಿಸಿ ಬರುವ ಹೊತ್ತಿನಲ್ಲಿ ಭದ್ರಾವತಿ ಬೈಪಾಸ್ ರಸ್ತೆಯಲ್ಲಿ ಬರುತ್ತಿದ್ದಾಗ ಕಾರಿಗೆ ಯಾವುದೂ ವಾಹನ ಅಡ್ಡ ಬಂತೆಂದು ಚಾಲಕ ರಸ್ತೆ ಬದಿಯ ಮರಕ್ಕೆ ಡಿಕ್ಕಿ ಹೊಡೆದಿದ್ದಾನೆ.
ಕಾರು ಡಿಕ್ಕಿ ಹೊಡೆದ ಪರಿಣಾಮ ಸ್ಥಳದಲ್ಲೇ ರಾಜೇಶ್ ಎಂಬುವರು ಸಾವು ಕಂಡಿದ್ದಾರೆ ಇಂದು ಬೆಳಗಿನ ಜಾವ ನಾಲ್ಕು ಹತ್ತರ ಹೊತ್ತಿಗೆ ಮತ್ತೋರ್ವ ಯುವಕ ತರುಣ ಸಾವು ಕಂಡಿದ್ದಾರೆ.
ಈ ಸಂದರ್ಭದಲ್ಲಿ ಕಾರಿನ ಚಾಲಕ ಅಭಿಷೇಕ್, ನವೀನ, ಈರಣ್ಣ, ಲಿಖಿತ, ಚಂದ್ರು, ಪುನೀತ್ , ಮಹದೇವ್ ಎಂಬ ಎಲ್ಲಾ ಯುವಕರು ಗಂಭೀರವಾಗಿ ಗಾಯಗೊಂಡಿದ್ದಾರೆ. ಅದರಲ್ಲಿ ಇಬ್ಬರ ಸ್ಥಿತಿ ಚಿಂತಾಜನಕವಾಗಿದೆ ಎಂದು ಹೇಳಲಾಗಿದೆ. ಉಳಿದವರು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ ಆದರೆ, ಗಂಭೀರವಾಗಿ ಗಾಯಗೊಂಡಿದ್ದಾರೆ.
ಈ ಯುವಕರ ತಂಡ ತಮ್ಮ ಮನೆಯಲ್ಲಿ ಗೋವಾ ಪ್ರವಾಸ ಹೋಗುವುದಾಗಿ ಹೇಳಿ ಬಂದಿರಲಿಲ್ಲ . ಹಾಸನಕ್ಕೆ ಹೋಗಿ ಬರುವುದಾಗಿ ಹೇಳಿಬಂದಿದ್ದ ಯುವಕರು ಇಂತಹ ಸಾವು ಹಾಗೂ ಗಂಭೀರ ಸ್ಥಿತಿಯನ್ನು ಮಾಡಿಕೊಂಡಿದ್ದಾರೆ ಎಂದು ಹೇಳಲಾಗಿದೆ.
ಶಿವಮೊಗ್ಗದ ಮೆಗಾನ್ ಆಸ್ಪತ್ರೆಯಲ್ಲಿ ಯುವಕರಿಗೆ ಚಿಕಿತ್ಸೆ ನೀಡಲಾಗುತ್ತಿದೆ. ರಾತ್ರಿ ಭದ್ರಾವತಿ ಪೊಲೀಸರು ಅಪಘಾತಕ್ಕೀಡಾದ ಇವರನ್ನು ಕೂಡಲೇ ಆಸ್ಪತ್ರೆಗೆ ಸೇರಿಸುವಲ್ಲಿ ಮುತುವರ್ಜಿ ವಹಿಸಿದ್ದು, ಶ್ಲಾಘನೆಗೆ ಪಾತ್ರವಾಗಿದೆ. ಸಂಚಾರಿ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ.
