ಸಾಗರ : ಈಚೆಗೆ ನಡೆದ ಜೀ ಕನ್ನಡ ವಾಹಿನಿಯ ಸರಿಗಮಪ ಸೀಸನ್ ೧೯ರ ಬೆಸ್ಟ್ ಎಂಟರ್‌ಟೈನರ್ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದ್ದ ತಾಲ್ಲೂಕಿನ ಬಂದಗದ್ದೆ ಗ್ರಾಮದ ದಿಯಾ
ಅವರಿಗೆ ಮೈಸೂರಿನಲ್ಲಿ ನಡೆಯುತ್ತಿರುವ ದಸರಾ ಸಂಭ್ರಮದಲ್ಲಿ ಮಕ್ಕಳ ದಸರಾ ಕಾರ್ಯಕ್ರಮ ಉದ್ಘಾಟನೆಗೆ ಆಹ್ವಾನಿಸಲಾಗಿದೆ.
೨೦೨೩ರ ಮೈಸೂರು ದಸರಾ ವಿಭಾಗದಲ್ಲಿ ಮಹಿಳಾ
ಮತ್ತು ಮಕ್ಕಳ ದಸರಾ ಆಚರಣಾ ಉಪ ಸಮಿತಿ ಅ. ೧೮ ಮತ್ತು ೧೯ರಂದು ಮೈಸೂರಿನ ಜಗನ್ಮೋಹನ ಅರಮನೆ ಮೈದಾನದಲ್ಲಿ ಮಕ್ಕಳ ದಸರಾ ಕಾರ್ಯಕ್ರಮವನ್ನು ಆಯೋಜಿಸಿದ್ದು, ಅದರ ಉದ್ಘಾಟನೆಯನ್ನು ದಿಯಾ ಹೆಗಡೆ ಮಾಡಲಿದ್ದಾರೆ.
ಸಾಗರ ತಾಲ್ಲೂಕಿನ ಬಂದಗದ್ದೆ ಗ್ರಾಮದ ನ್ಯಾಯವಾದಿ ವೆಂಕಟೇಶ್ ಹೆಗಡೆ ಮತ್ತು ಅಪರ್ಣಾ ದಂಪತಿಗಳ ಪುತ್ರಿಯಾಗಿರುವ ದಿಯಾ ಹೆಗಡೆ ವಿವಿಧ ಕಾರ್ಯಕ್ರಮಗಳಲ್ಲಿ ತಮ್ಮ ಅದ್ಭುತ ಪ್ರತಿಭೆ ಮೂಲಕ
ಜನಮನವನ್ನು ಗೆಲ್ಲುವ ಪ್ರಯತ್ನ ನಡೆಸಿದ್ದು, ಇದೀಗ ಮಕ್ಕಳ ದಸರಾ ಉತ್ಸವ ಉದ್ಘಾಟನೆ ಮಾಡುತ್ತಿರುವುದು ಸಾಗರಕ್ಕೆ ಕೀರ್ತಿ ತಂದಿದೆ.
