ಶಿವಮೊಗ್ಗ: ಕರ್ನಾಟಕದಾದ್ಯಂತ ನಮೋ ಬ್ರಿಗೇಡ್ ಜನ-ಗಣ-ಮನ-ಬೆಸೆಯೋಣ ಬೈಕ್ ಯಾತ್ರೆಯನ್ನು ಹಮ್ಮಿಕೊಂಡಿದೆ.
ಸಪ್ಟೆಂಬರ್ ೨೮ಕ್ಕೆ ಕೋಲಾರದಿಂದ ಆರಂಭಗೊಂಡ ಈ ಬೈಕ್ ಯಾತ್ರೆ ದಕ್ಷಿಣ ಕರ್ನಾಟಕದ ಹಲವಾರು ಜಿಲ್ಲೆಗಳಲ್ಲಿ ಅದ್ದೂರಿ ಸ್ವಾಗತವನ್ನು ಸ್ವೀಕರಿಸಿ, ಉತ್ತರ ಕರ್ನಾಟಕದತ್ತ ಸಾಗಿದೆ
. ಉತ್ತರ ಕರ್ನಾಟಕದಲ್ಲಿ ಹಳ್ಳಿ-ಹಳ್ಳಿಯಲ್ಲೂ ರ‍್ಯಾಲಿಗೆ ಸೇರಿಕೊಳ್ಳುವ ನೂರಾರು ಬೈಕ್‌ಗಳು, ಸಾರ್ವಜನಿಕ ಕಾರ್ಯಕ್ರಮಗಳಿಗೆ ಸೇರಿಕೊಳ್ಳುವ ಸಾವಿರಾರು ಜನಸಾಗರ ಎಲ್ಲರನ್ನೂ ಅಚ್ಚರಿಗೆ ನೂಕಿದೆ. ನಮೋಬ್ರಿಗೇಡ್‌ನ ಈ ಪ್ರಯತ್ನದಿಂದ ಕರ್ನಾಟಕದಲ್ಲಿ ಮೋದಿಯ ಅಲೆ ಎದ್ದು ಕಾಣುತ್ತಿದೆ.
ಈ ರ‍್ಯಾಲಿ ಇದೇ ಅಕ್ಟೋಬರ್ ೧೨ರ ನಾಳೆ ದಾವಣಗೆರೆ-ಹೊನ್ನಾಳಿ-ನ್ಯಾಮತಿ ಮಾರ್ಗವಾಗಿ ಶಿವಮೊಗ್ಗಕ್ಕೆ ಆಗಮಿಸುತ್ತಿದೆ. ಶಿವಮೊಗ್ಗದಲ್ಲಿ ಅದ್ದೂರಿಯಾಗಿ ರ‍್ಯಾಲಿಯನ್ನು ಸ್ವಾಗತಿಸಲು
ಇಲ್ಲಿನ ನಮೋ ಬ್ರಿಗೇಡ್ ತಂಡ ತಯಾರಿ ನಡೆಸುತ್ತಿದೆ. ಬೈಕ್ ಯಾತ್ರೆ ಸವಳಂಗ ರಸ್ತೆ, ವಿನೋಬನಗರ, ನೆಹರೂ ಸ್ಟೇಡೀಯಂ, ಮಹಾವೀರ ವೃತ್ತ, ಗೋಪಿ ವೃತ್ತ, ಗಾಂಧಿಬಜಾರ್ ಮಾರ್ಗವಾಗಿ ಕೆ.ಆರ್.ಪುರಂನ ಅಂಜನ ಪಟೇಲ್ ಭವನದಲ್ಲಿ ಸೇರಿಕೊಳ್ಳಲಿದೆ.
ಶಿವಮೊಗ್ಗದ ಮೋದಿ ಭಕ್ತರೆಲ್ಲ ಈ ಯಾತ್ರೆಗೆ ಆಗಮಿಸಿ ಸಹಕರಿಸಬೇಕೆಂದು ನಮೋಬ್ರಿಗೇಡ್ ಕೋರಿದೆ.
ಹೆಚ್ಚಿನ ಮಾಹಿತಿ – ೯೧೬೪೧೨೧೨೩೨ರಲ್ಲಿ ಸಂಪರ್ಕಿಸಬಹುದು.
