ಶಿವಮೊಗ್ಗ : ಗುರುಪುರದ ಗೋವಿಂದಸ್ವಾಮಿ ಬಡಾವಣೆಯಲ್ಲಿ ವಾಸವಾಗಿರುವ ಡಾ. ಮನೋಜ್‌ಕುಮಾರ್ ಅವರ ಮನೆಯ ಕಾರ್‌ಶೆಡ್ಡಿನಲ್ಲಿ ಶೂ ನಲ್ಲಿ ಕುಳಿತ್ತಿದ್ದ ೧ ವರೆ ಅಡಿ ಉದ್ದದ ಮರಿ ನಾಗರ ಹಾವನ್ನು ಸ್ನೇಕ್ ಕಿರಣ್ ಅವರು ಸರಿಯಾದ ಸಮಯಕ್ಕೆ ಬಂದು ಹಾವನ್ನು ಹಿಡಿದು, ಹೆಚ್ಚಿನ ಅನಾಹುತವನ್ನು ತಡೆದಿದ್ದಾರೆ. ನಾಗರ ಹಾವನ್ನು ಕಂಡ ಮನೆಯವರು ಸ್ನೇಕ್ ಕಿರಣ್‌ಗೆ ಕರೆ ಮಾಡಿದರು. ಸ್ಥಳಕ್ಕೆ ಆಗಮಿಸಿದ ಕಿರಣ್ ಅವರು ಮನೆಯಲ್ಲಿ ಎಲ್ಲಾ ಕಡೆ ಹಾವನ್ನು ಹುಡುಕಿದಾಗ ಹಾಗೂ ಶೂ ಒಳಗೆ ಅಡಗಿತ್ತು. ಶೂ ನಿಂದ ಹೆಡೆ ಎತ್ತಿ ನಿಂತ ಹಾವಿನ ಮರಿಯನ್ನು ರಕ್ಷಿಸಿದ್ದಾರೆ. ಹಾಗೂ ಮಕ್ಕಳು ಹಾಕುತ್ತಿದ್ದ ಶೂನಲ್ಲಿ ನಾಗರ ಹಾವು ಇದುದ್ದರಿಂದ ಮುಂದೆ ಸಂಭವಿಸಬಹುದಾದ ದೊಡ್ಡ ಅನಾಹುತವನ್ನು ತಪ್ಪಿಸಿದ್ದಕ್ಕೆ ಡಾ. ಮನೋಜ್‌ಕುಮಾರ್ ಶೆಟ್ಟಿಯವರು ಸ್ನೇಕ್ ಕಿರಣ್ ಅವರನ್ನು ಅಭಿನಂದಿಸಿದ್ದಾರೆ.
