ಸ್ವತಂತ್ರ್ಯ ದಿನಾಚರಣೆಯಲ್ಲಿ ಸಿಹಿಮೊಗೆಯ ಸಂಭ್ರಮ ಹೀಗಿತ್ತು ನೋಡಿ, ಪಾಲಿಕೆ ಮಿಂಚಿಂಗ್, ಎಸ್ಪಿ ಕಛೇರಿಯಲ್ಲಿ ರಂಗಿನ ರಂಗೋಲಿ ಹಬ್ಬ.., ಇನ್ನೂ ಏನೆಲ್ಲಾ ನೋಡಿ

ಶಿವಮೊಗ್ಗ, ಆ.15:
ಆಗಸ್ಟ್ 15ರ ಇಂದು ಸ್ವತಂತ್ರ್ಯ ದಿನಾಚರಣೆಯ ಸಂಭ್ರಮ. ಈ ದಿನದ ಖುಷಿಯನ್ನು ಹಂಚಿಕೊಳ್ಳಲು ನಿನ್ನೆಯಿಂದಲೇ ಸಕಲ ಸಿದ್ಧತೆಗಳು, ಭರ್ಜರಿ ತಯಾರಿಗಳು ನಡೆದಿವೆ.

ಶಿವಮೊಗ್ಗ ನಗರದ ಅದರಲ್ಲೂ ಐತಿಹಾಸಿಕ ಕೇಂದ್ರ ಸ್ಥಾನವಾದ ಶಿವಮೊಗ್ಗ ಮಹಾನಗರ ಪಾಲಿಕೆಯ ನೂತನ ಅಲಂಕಾರದ ಭವ್ಯ ಕಟ್ಟಡ ವಿದ್ಯುತ್ ದೀಪ ಅಲಂಕಾರಗಳಿಂದ ರಂಗಿಸಿದ್ದು ವಿಶೇಷವಾಗಿತ್ತು.
ಅಂತೇಯೇ ಕುವೆಂಪು ರಂಗಮಂದಿರ ಸಹ ವಿದ್ಯುತ್ ದೀಪಾಲಂಕಾರಗಳಿಂದ ಕಂಗೊಳಿಸುತ್ತಿತ್ತು. ಅತ್ಯಂತ ವಿಶೇಷವೆಂದರೆ ಶಿವಮೊಗ್ಗ ಜಿಲ್ಲಾ ರಕ್ಷಣಾಧಿಕಾರಿಗಳ ಕಚೇರಿಯಲ್ಲಿ ಸ್ವಾತಂತ್ರ್ಯ ದಿನಾಚರಣೆಯ ಸಂಭ್ರಮ ಈ ಬಾರಿ ಅತ್ಯಂತ ವಿಶೇಷವಾಗಿತ್ತು.

ಪೊಲೀಸ್ ಇಲಾಖೆಯಲ್ಲಿ ಕರ್ತವ್ಯ ನಿರ್ವಹಿಸುವ ಮಹಿಳಾ ಉದ್ಯೋಗಿಗಳಿಗೆ ರಂಗೋಲಿ ಸ್ಪರ್ಧೆಯನ್ನು ಆಯೋಜಿಸುವ ಮೂಲಕ ಜಿಲ್ಲಾ ರಕ್ಷಣಾಧಿಕಾರಿ ಮಿಥುನ್ ಕುಮಾರ್ ಅವರು ಹೆಣ್ಣು ಮಕ್ಕಳ ಕೌಶಲ್ಯದ ರಂಗೋಲಿ ಹಬ್ಬವನ್ನು ಸವಿಯುವಂತಹ ವಾತಾವರಣವನ್ನು ಕಲ್ಪಿಸಿದ್ದು ವಿಶೇಷ. ಇಡೀ ಕಛೇರಿ ಆವರಣ ಬಣ್ಣಬಣ್ಣದ ರಂಗೋಲಿಯಿಂದ ಸಂಭ್ರಮಿಸುತ್ತಿದೆ.
ವರುಣನ ಕಾಟವಿಲ್ಲದ ಈ ಸಂಭ್ರಮ ಮುಗಿಲು ಮುಟ್ಟಿತ್ತು.

ಒಟ್ಟಾರೆ ಶಿವಮೊಗ್ಗ ನಗರದ ಎಲ್ಲೆಡೆ ಸ್ವತಂತ್ರ್ಯ ದಿನಾಚರಣೆಯ ಸಂಭ್ರಮ ಎದ್ದು ಕಾಣುತ್ತಿದೆ. ಇಂದು ಬೆಳಿಗ್ಗೆಯಿಂದಲೇ ಧ್ವಜಾರೋಹಣ ಆರಂಭಗೊಂಡಿದೆ.
ಸಿಹಿಮೊಗೆಯ ಸ್ವಾತಂತ್ರ್ಯ ದಿನಾಚರಣೆಯ ಸಂಭ್ರಮವನ್ನು ನೋಡಲು ಕಣ್ಣೆರಡು ಸಾಲದು ಎಂಬಂತಿತ್ತು.

ಮಿಕ್ಕ ಮಾಹಿತಿಗಳು ಮತ್ತೊಂದು ಸುದ್ದಿಯ ಜೊತೆಗೆ ಬರಲಿದೆ.
ಚಿತ್ರ ಕೃಪೆ: ಮಾದ್ಯಮ ಮಿತ್ರರು