ವಿದ್ಯುತ್ ಸ್ಪರ್ಶಿಸಿ ಸಾವು
ಶಿಕಾರಿಪುರ ಸಮೀಪದ ಕಾಗಿನೆಲೆಯ ಹೊಲದಲ್ಲಿ ಬೋರ್ ವೆಲ್ ಮೋಟಾರ್ ಚಾಲನೆ ಮಾಡಲು ಹೋಗಿದ್ದ ವ್ಯಕ್ತಿಯೊಬ್ಬ ವಿದ್ಯುತ್ ಹರಿದು ಚಂದ್ರಪ್ಪ (59) ಮೃತಪಟ್ಟಿರುವ ಘಟನೆ ವರದಿಯಾಗಿದೆ.
ಮೃತರು ತಮ್ಮ ಮಾವನ ಜಮೀನಿನಲ್ಲಿ ಬೋರ್ ವೆಲ್ ಚಾಲನೆ ಮಾಡಲು ಹೋಗಿದ್ದು, ಮೆನ್ಸ್ ವೈಯರ್ ನಿಂದ ಸ್ಟಾರ್ಟ್ ಬೋರ್ಡ್ ಗೆ ವಿದ್ಯುತ್ ಹರಿದ ಪರಿಣಾಮ ಚಂದ್ರಪ್ಪ ಸಾವು ಕಂಡಿದ್ದಾರೆ. ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಮದ್ಯವ್ಯಸನಿ ಆತ್ಮಹತ್ಯೆ
ಶಿಕಾರಿಪುರದ ಮುಡುಬ ಸಿದ್ದಾಪುರ ಗ್ರಾಮದ ಯುವಕನೊಬ್ಬ ಸಾಲ ಮಾಡಿ ಅದನ್ನು ತೀರಿಸಲಾಗದೆ ವಿಷ ಸೇವಿಸಿ ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ.
ಮದ್ಯಪಾನ ಚಟ ಅಂಟಿಸಿಕೊಂಡಿದ್ದ ಮೃತ ಚೇತನ್ ಕುಮಾರ್ (25) ಈತ ಕುಡಿಯಲೆಂದು ಸಾಲ ಮಾಡಿದ್ದನು.
ಜಮೀನಿಗೆ ಹೋಗಿ ಬರುತ್ತೇನೆಂದು ಮನೆಯಿಂದ ಹೋದವನು ವಿಷ ಸೇವಿಸಿದ್ದಾನೆ ಕೂಡಲೇ ಈತನನ್ನು ಶಿಕಾರಿಪುರ ಆಸ್ಪತ್ರೆಗೆ ದಾಖಲಿಸಲಾಯಿತು. ಹೆಚ್ಚಿಸಿ ಚಿಕಿತ್ಸೆಗಾಗಿ ಶಿವಮೊಗ್ಗದ ಮೆಗ್ಗಾನ್ ಆಸ್ಪತ್ರೆಗೆ ಕರೆತರಲಾಗಿತ್ತು.
ಆಯನೂರು ಬಳಿ 18 ಕುರಿ ಸಾವು
ಶಿವಮೊಗ್ಗ: ರಸ್ತೆ ಬದಿ ಮೇಯುತ್ತಿದ್ದ ಕುರಿ ಹಿಂಡಿನ ಮೇಲೆ ಲಾರಿಯೊಂದು ಹರಿದ ಪರಿಣಾಮ 18 ಕುರಿಗಳು ಸಾವು ಕಂಡಿರುವ ಘಟನೆ ನಿನ್ನೆ ರಾತ್ರಿ ಆಯನೂರು ಪೆಟ್ರೊಲ್ ಪಂಪ್ ಬಳಿ ನಡೆದಿದೆ.
ಶಿವಮೊಗ್ಗದಿಂದ ಸಾಗರದ ಕಡೆ ಹೋಗುತ್ತಿದ್ದ ಲಾರಿ ಚಾಲಕನ ನಿರ್ಲಕ್ಷ್ಯತನದ ಕಾರಣದಿಂದಾಗಿ ರಸ್ತೆ ಬದಿಯಲ್ಲಿ ಮೇಯಿಸುತ್ತಿದ್ದ ಕುರಿಗಳು ದಾರುಣ ಸಾವು ಕಂಡಿವೆ.
ಬೆಳಗಾಂ ಕಡೆಯಿಂದ ಕುರಿ ಹೊಡೆದುಕೊಂಡು ಬಂದ ಕುರಿ ಹಿಂಡು ಇದಾಗಿದ್ದು, ಆಯನೂರು ಬಳಿ ರಾತ್ರಿ ತಂಗಲು ವ್ಯವಸ್ಥೆ ಮಾಡಿಕೊಳ್ಳುತ್ತಿದ್ದ ವೇಳೆ ಈ ಅವಘಡ ನಡೆದಿದೆ ಎನ್ನಲಾಗಿದೆ.
