ಶಿವಮೊಗ್ಗ: ಆಮೆ ಹಾಗೂ ಮಣ್ಣು ಮುಕ್ಕ ಹಾವನ್ನು ಮಾರಾಟ ಮಾಡಲು ಯತ್ನಿಸಿದ ನಾಲ್ವರನ್ನು ಸಾಗರ ಅರಣ್ಯ ಸಂಚಾರಿ ದಳದ ಸಿಬ್ಬಂದಿ ದಾವಣಗೆರೆಯ ಹರಿಹರ ಪಟ್ಟಣದಲ್ಲಿ ಬಂಧಿಸಿದ್ದಾರೆ.
ಶಿವಮೊಗ್ಗದ ವೀರಗಾರನ ಭೈರನಕೊಪ್ಪದ ರಮೇಶ್ ನಾಯ್ಕ, ಹೊಸನಗರದ ಹಾಲುಗುಡ್ಡೆ ಗ್ರಾಮದ ನಾಗೇಂದ್ರ, ಹಾವೇರಿ ಜಿಲ್ಲೆ ಕಜ್ಜರಿ ಗ್ರಾಮದ ಜಗದೀಶ್ ಮತ್ತು ದಾವಣಗೆರೆಯ ಹೊನ್ನೂರು ಗ್ರಾಮದ ಹರೀಶ್ ಬಂಧಿತರು. ದಾಳಿಯಲ್ಲಿ ಸಾಗರ ಸಂಚಾರಿ ಅರಣ್ಯ ದಳದ ಪಿಎಸ್ಐ ಮಲ್ಲಿಕಾರ್ಜುನ್, ಸಿಬ್ಬಂದಿ ರಂಗನಾಥ್, ಗಣೇಶ್, ರತ್ನಾಕರ್, ಗಿರೀಶ್, ಮಂಜುನಾಥ್ ಇದ್ದರು.
