ಶಿವಮೊಗ್ಗ : ಜೆಡಿಎಸ್‌ ಅಭ್ಯರ್ಥಿ ಆಯನೂರು ಮಂಜುನಾಥ್‌ ಅವರ ಪರವಾಗಿ ಇಂದು ನಗರದ ವಿವಿಧೆಡೆ ಜೆಡಿಎಸ್‌ ಮುಖಂಡರು, ಕಾರ್ಯಕರ್ತರು ಪ್ರಚಾರ ನಡೆಸಿ, ಕಾರ್ನರ್‌ ಮೀಟಿಂಗ್‌ಗಳನ್ನು ನಡೆಸಿದರು. ಈ ವೇಳೆ ಜನರು ಉತ್ತಮವಾಗಿ ಸ್ಪಂದಿಸಿದರು. ಆಯನೂರು ಮಂಜುನಾಥ ಅವರು ಗೆಲವು ಸಾಧಿಸುತ್ತಾರೆ ಎಂದು ಜನರು ಭರವಸೆ ವ್ಯಕ್ತಪಡಿಸಿದರು.
ಇಂದು ಅಶ್ವಥನಗರ, ಬೊಮ್ಮನಕಟ್ಟೆ, ಬಸವನಗುಡಿ, ಶರಾವತಿನಗರ, ಕಾಮಾಕ್ಷಿ ಬೀದಿ, ಗಾಡಿಕೊಪ್ಪ ಸರ್ಕಲ್‌, ಮಲ್ಲಿಗೇನಹಳ್ಳಿ, ಆಲ್ಕೊಳ, ಎಪಿಎಂಸಿ, ಜಟ್‌ ಪಟ್‌ ನಗರ, ನವುಲೆಯಲ್ಲಿ ಪ್ರಚಾರ ಕಾರ್ಯ ನಡೆಸಲಾಯಿತು. ದೊಡ್ಡ ಸಂಖ್ಯೆಯಲ್ಲಿ ಪಾಲ್ಗೊಂಡಿದ್ದ ಕಾರ್ಯಕರ್ತರು, ಆಯನೂರು ಮಂಜುನಾಥ್‌ ಅವರಿಗೆ ಮತ ನೀಡುವಂತೆ ಜನರಲ್ಲಿ ಮನವಿ ಮಾಡಿದರು.
ಸೋಮವಾರ ಸಂಜೆ ಸಹ್ಯಾದ್ರಿ ಕಾಲೇಜು ಬಳಿಯಿಂದ ಬೆಕ್ಕಿನ ಕಲ್ಮಠದವರೆಗೆ ಬೃಹತ್‌ ಅಟೋ ರಾಲಿ ನಡೆಸಲು ಉದ್ದೇಶಿಸಲಾಗಿದೆ.ಜೆಡಿಎಸ್‌ ಅಭ್ಯರ್ಥಿ ಆಯನೂರು ಮಂಜುನಾಥ್‌, ಜೆಡಿಎಸ ಜಿಲ್ಲಾಧ್ಯಕ್ಷ ಎಂ.ಶ್ರೀಕಾಂತ್‌, ಮಾಜಿ ಶಾಸಕ ಕೆ.ಬಿ.ಪ್ರಸನ್ನ ಕುಮಾರ್‌ ಸೇರಿದಂತೆ ಪ್ರಮುಖರು ಮತಯಾಚನೆ ಕಾರ್ಯದಲ್ಲಿ ತೊಡಗಿದ್ದರು.
