ಶಿವಮೊಗ್ಗ : ಜೆಡಿಎಸ್ ಪಕ್ಷದ ಅಭ್ಯರ್ಥಿ ಆಯನೂರು ಮಂಜುನಾಥ ಅವರು ಶಿವಮೊಗ್ಗ ನಗರದ ವಿವಿಧ ಬಡಾವಣೆಗಳಲ್ಲಿ ಚುನಾವಣೆ ಪ್ರಚಾರ ನಡೆಸಿದರು.
ನಗರದ ಹೊಸಮನೆ ಬಡಾವಣೆಯ ಒಂದನೇ ತಿರುವಿನಿಂದ ಆರನೇ ತಿರುವಿನವರೆಗೆ, ಲಷ್ಕರ್‌ ಮೊಹಲ್ಲಾ, ಕೃಷಿ ನಗರ, ತ್ರಿಮೂರ್ತಿ ನಗರ, ಚೌಡೇಶ್ವರಿ ಕಾಲೋನಿ, ಪುರಲೆ, ಗಣೇಶ ಭವನ, ವಿದ್ಯಾನಗರ, ಟ್ಯಾಂಕ್‌ ಮೊಹಲ್ಲಾ, ಬೈಲ್‌ ಕಮ್ಮಾರ ಬೀದಿ, ಗಾಂಧಿ ಬಜಾರ್‌, ಸೀಗೆಹಟ್ಟಿಯಿಂದ ಹೊಳೆ ಬಸ್‌ ಸ್ಟಾಪ್‌ವರೆಗೆ, ಬುದ್ದ ನಗರ, ಮಿಳಘಟ್ಟ, ಗೋಪಾಳ, ಟಿಪ್ಪು ನಗರ, ಇಲಿಯಾಜ್‌ ನಗರ, ವೆಂಕಟೇಶ ನಗರ ಬಡಾವಣೆಗಳಲ್ಲಿ ಚುನಾವಣಾ ಪ್ರಚಾರ ನಡೆಯಿತು.
ಜೆಡಿಎಸ್ ಪಕ್ಷದ ಅಭ್ಯರ್ಥಿ ಆಯನೂರು ಮಂಜುನಾಥ, ಎಂ.ಶ್ರೀಕಾಂತ್‌, ಮಾಜಿ ಶಾಸಕ ಕೆ.ಬಿ.ಪ್ರಸನ್ನ ಕುಮಾರ್‌ ಅವರು ಮನೆ ಮನೆಗೆ ತೆರಳಿ ಮತಯಾಚನೆ ಮಾಡಿದರು. ಪ್ರತಿ ಮನೆಗು ಕರಪತ್ರ ನೀಡಿದರು. ದೊಡ್ಡ ಸಂಖ್ಯೆಯಲ್ಲಿ ಜೆಡಿಎಸ್ ಪಕ್ಷದ ಪದಾಧಿಕಾರಿಗಳು, ಕಾರ್ಯಕರ್ತರು, ಅಭಿಮಾನಿಗಳು ರೋಡ್‌ ಶೋನಲ್ಲಿ ಭಾಗಹಿಸಿದ್ದರು.
ಮಹಿಳೆಯರಿಂದ ಪ್ರತ್ಯೇಕ ಪ್ರಚಾರ
ಶಿವಮೊ.ಗ್ಗ ನಗರದ 32ನೇ ವಾರ್ಡ್‌ನಲ್ಲಿ ಜೆಡಿಎಸ್ ಪಕ್ಷದ ಆಯನೂರು ಮಂಜುನಾಥ ಅವರ ಪರವಾಗಿ ಮಹಿಳೆಯರು ಭಾನುವಾರ ಪ್ರತ್ಯೇಕವಾಗಿ ಪ್ರಚಾರ ನಡೆಸಿದರು. ವಾರ್ಡ್‌ನ ಪ್ರತಿ ಬೀದಿಯಲ್ಲಿ ಮಹಿಳೆಯರು ಘೋಷಣೆಗಳನ್ನು ಕೂಗುತ್ತ ಮೆರವಣಿಗೆ ನಡೆಸಿದರು. ಮನೆ ಮನೆಗೆ ತೆರಳಿ ಕರಪತ್ರ ನೀಡಿ ಆಯನೂರು ಮಂಜುನಾಥ ಅವರ ಪರವಾಗಿ ಮತ ಚಲಾಯಿಸುವಂತೆ ಮನವಿ ಮಾಡಿದರು.
