ಶಿವಮೊಗ್ಗ, ಫೆ.23:
ಶಿವಮೊಗ್ಗ ರವೀಂದ್ರನಗರದ ಶ್ರೀ ಬಲಮುರಿ ಪ್ರಸನ್ನ ಗಣಪತಿ ದೇವಾಲಯದ ಪ್ರಧಾನ ಅರ್ಚಕರು ಹಾಗೂ ಶಿವಮೊಗ್ಗ ಬಜನಾ ಪರಿಷತ್ ನ ಅಧ್ಯಕ್ಷರು ಮತ್ತು ವಿವಿಧ ಧಾರ್ಮಿಕ ಕಾರ್ಯಕ್ರಮಗಳ ರೂವಾರಿಗಳು ಆದ ವೇದ ಬ್ರಹ್ಮ ಶ್ರೀ ರಾಮಭಟ್ಟರು ನಿನ್ನೆ ರಾತ್ರಿ ನಿಧನರಾದರು.
ಬಸವನಗುಡಿ 5ನೇ ಕ್ರಾಸ್ ನಲ್ಲಿರುವ ಅವರ ಮನೆಯಲ್ಲಿ ಇಂದು ಬೆಳಗ್ಗೆ 9:00 ವರೆಗೆ ಅವರ ಅಂತಿಮ ದರ್ಶನಕ್ಕೆ ಅವಕಾಶ ಕಲ್ಪಿಸಲಾಗಿದೆ.
ದೇವಸ್ಥಾನದ ಪೂಜೆ ವಿಧಿ ವಿಧಾನಗಳ ಜೊತೆಗೆ ಹಲವಾರು ಧಾರ್ಮಿಕ ಕಾರ್ಯಕ್ರಮಗಳ ಸಂಗೀತ, ಸಂಸ್ಕೃತ ಕಾರ್ಯಕ್ರಮಗಳ ಮುಖ್ಯ ರೂವಾರಿ ಆಗಿದ್ದ ರಾಮ ಭಟ್ಟರ ನಿಧನಕ್ಕೆ ಹಲವು ಗಣ್ಯರು ತೀವ್ರ ಸಂತಾಪ ಸೂಚಿಸಿದ್ದಾರೆ.
ಇತ್ತೀಚೆಗೆ ಶಿವಮೊಗ್ಗದ ಶ್ರೀ ಶನೈಶ್ಚರ ದೇವಸ್ಥಾನ ಟ್ರಸ್ಟ್ ಅ.ಪ. ರಾಮಭಟ್ಟರಿಗೆ ಶ್ರೀ ವೇದನಾರಾಯಣಗ್ರಹ ಪ್ರಶಸ್ತಿಯನ್ನು ನೀಡಿ ಗೌರವಿಸಿತ್ತು.
